Halloween party ideas 2015

மனிதக்கழிவை மனிதனே அள்ளுவதை எதிர்த்துப் போராடிவரும் பெஸவாடா வில்சனுக்கு ராமன் மகசசே விருது,
ஆதித்தமிழர் பேரவை நிறுவநர் 'அய்யா' அதியமான் பாராட்டு
""""""""""""""
இந்தியாவைச் சேர்ந்த சமூக ஆர்வலர் பெஸவாடா வில்சனுக்கும் ராமன் மகசசே விருது மத்திய அரசால் அறிவிக்கப்பட்டுள்ளது.
,வைச் சேர்ந்த பெஸவாடா வில்சன், மனிதக் கழிவை மனிதனே அள்ளும் முறைக்கு எதிராக 30 ஆண்டுகளுக்கு மேலாக போராடி வருகிறார்.‌ இதற்காக, சஃபாய் கர்மசாரி அந்தோலன் என்ற மனித உரிமை அமைப்பை உருவாக்கியுள்ள வில்சன், தலித் மக்களின் மேம்பாட்டிற்காக போராட்டங்களை நடத்தி வருகிறார்.
கர்நாடகாவின் கோலார் மாவட்டத்தில் பிறந்தவரான பெஸவாடா வில்சனின் தந்தையும் சகோதரரும் உறவினர்கள் பலரும் துப்புரவுத் தொழிலாளர்களாக பணிபுரிந்தவர்கள். இளமைக்காலத்தில் விடுதியில் தங்கிப்படித்தபோது, பெஸவாடா வில்சனின் சாதியைக் குறிப்பிட்டு மனிதக்கழிவை அகற்றுபவர் என சக மாணவர்கள் கேலி செய்துள்ளனர்.
வேலைவாய்ப்பு அலுவலகத்தில், பெஸவாடா வில்சனிடம் கேட்காமலேயே, அவரது விருப்பமான வேலை துப்புரவுத்தொழில் என அதிகாரிகள் எழுதியதாகவும் கூறப்படுகிறது. சாதி அடிப்படையில், தான் அடிமைப்படுத்தப்படுவதைக் கண்ட வில்சன், மனிதக் கழிவை மனிதனே அள்ளும் சமூக அவலத்தை இந்தியாவிலிருந்து அகற்ற 1986ஆம் ஆண்டு முதல் போராடி வருகிறார். அவரது இந்த சமூகநலப் பணிக்காக தற்போது, ராமன் மகசசே விருது அறிவிக்கப்பட்டிருக்கிறது
தோழர் பெஸவாடா வில்சன் அவர்களுக்கு ஆதித்தமிழர் பேரவை தனது நெஞ்சம் நிறைந்த பாராட்டுக்களை தெரிவித்துக் கொள்கிறது.


தமிழ்த் தேசியத்தை சிங்களத்திடம் விலைபேசி விற்று, அது வீசும் எலும்புத் துண்டில் வயிறு வளர்க்கும் ரிசி என்ற கே.பியின் கையாளிற்குத் தளம் அமைத்துக் கொடுத்து தமிழ்த் தேசியத்தின் வீரியத்தைச் சிதைக்கும் நிகழ்ச்சிகளைக் கடந்த ஓராண்டுக்கு மேலாக ஒளிபரப்பி வந்த ஐ.பி.சி தொலைக்காட்சி, அவற்றின் உச்சகட்டமாகச் சிங்களப் படையினரைப் புகழ்ந்துரைக்கும் நிகழ்ச்சியை அண்மையில் ஒளிபரப்பியிருக்கின்றது

யார் நல்லிணக்கம் பேசினாலும், எவர் நடுநிலைவாதம் பற்றி உபதேசங்களைப் புரிந்தாலும் தமிழ் மக்களைப் பொறுத்தவரை சிங்கள இராணுவம் என்பது ஒரு இனவெறி பிடித்த கொலைவெறி இராணுவமாகும். இப்படிப்பட்ட கொலைவெறி கொண்ட ஒரு இனவெறி இராணுவத்திற்கே ஐ.பி.சி தொலைக்காட்சி வெள்ளையடிக்க முற்பட்டிருக்கின்றது.

அதுவும் 2009 மே 18 இற்கு முன்னர் தமிழீழ தேசிய ஊடகமாக வலம் வந்து, அதன் பின்னர் தனிநபர்களின் கைகளுக்கு மாறி உலகத் தமிழரின் உறவுப் பாலம் என்று அதன் இன்றைய நிர்வாகிகளால் விதந்துரைக்கப்படும் ஐ.பி.சி தொலைக்காட்சியின் இந்தக் கைங்கரியம், அது சிங்களத்துடன் எவ்வாறான உறவுப் பாலத்தைப் பேணி வருகின்றது? என்ற கேள்வியையே ஒவ்வொரு தமிழர்களிடையேயும் தோற்றுவித்துள்ளது.

இங்கு எமது நோக்கம் ஐ.பி.சி தொலைக்காட்சி ஒளிபரப்பிய நிகழ்ச்சி மீதான ‘சடலப் பரிசோதனையை’ நிகழ்த்தி, அது ஏன் இவ்வாறு நடந்து கொண்டது என்பது பற்றிய புதிய கண்டுபிடிப்பை மேற்கொள்வதன்று. மாறாக இனியும் உலகத் தமிழர்களின் உறவுப் பாலம் என்று அழைத்துக் கொள்ளும் தகமை ஐ.பி.சி நிறுவனத்திற்கு உண்டா? என்பது பற்றிய ஓர் ஆழமான தரிசனத்தை மேற்கொள்வதே இக் கட்டுரையின் நோக்கமாகும்.

ஐ.பி.சி என்ற அடைமொழியில் அறியப்படும் அனைத்துலக ஒலிபரப்புக் கூட்டுத்தாபனம் தமிழ் 1997ஆம் ஆண்டு நாடக ஆசிரியர் ஏ.சீ.தாசீசியஸ் அவர்களால் தொடங்கப்பட்ட வானொலி. ‘எடுத்த காரியம் யாவினும் வெற்றி’ என்ற தாரக மந்திரத்துடன் ஐ.பி.சி தமிழ் தொடங்கப்பட்ட பொழுதும், கோரப் பசி கொண்ட யானைக்கு ஒப்பான நிதித் தேவைகளைக் கொண்டிருந்த அந் நிறுவனத்தின் செலவுகளுக்கு ஈடுகொடுத்து நீண்ட நாட்களுக்கு வானொலியை நடத்திச் செல்லக்கூடிய நிலையில் ஏ.சீ.தாசீசியஸ் அவர்களாலோ, அன்றி அவருக்குத் துணை நின்ற ஏனையவர்களாலோ முடியவில்லை. ஆனாலும் தங்களால் முடிந்த வரை ஐ.பி.சி தமிழ் வானொலியைத் தக்க வைப்பதற்கான பகீரத பிரயத்தனங்களில் அவர்கள் ஈடுபட்டார்கள். இவ்வாறு நொந்து, நொடிந்து போய், தள்ளாடிக் கொண்டிருந்த ஐ.பி.சி தமிழ் வானொலிக்கு ஆப்பு வைக்கும் நோக்கத்துடன் இந்தியாவின் ஒட்டுக்குழுவான ஈ.என்.டி.எல்.எவ் கும்பலால் போட்டி வானொலி ஒன்றும் பிரித்தானியாவில் தொடங்கப்பட்டது.

இவையெல்லாம் அரங்கேறிக் கொண்டிருந்த பொழுது பிரித்தானியாவில் எவ்வித தடைகளுமற்ற அமைப்பாகவே தமிழீழ விடுதலைப் புலிகள் இயக்கம் இயங்கி வந்தது. தமிழீழ விடுதலைப் புலிகளின் பிரித்தானியக் கிளை மட்டுமன்றி தமிழீழ விடுதலைப் புலிகளின் அனைத்துலகச் செயலகமும் அக்காலப் பகுதியில் இலண்டனிலேயே இயங்கி வந்தன

தமிழீழ தாயக மக்களைப் புலிகளின் குரல் வானொலி ஒருங்கிணைத்தமை போன்று புலம்பெயர்வாழ் தமிழர்களையும், ஏனைய உலகத் தமிழர்களையும் ஒருங்கிணைப்பதற்கான வானொலி ஒன்றின் தேவை அன்றைய காலப்பகுதியில் தமிழீழ விடுதலைப் புலிகளால் உணரப்பட்டது. இதன் விளைவாக எந்த நேரமும் நிதி நெருக்கடிக் கடலில் மூழ்கி அமிழுந்து போகும் தறுவாயில் தத்தளித்துக் கொண்டிருந்த ஐ.பி.சி தமிழ் வானொலியை மீட்டு அதனைத் தமிழீழ தேசிய வானொலியாக மாற்றியமைப்பதற்கான நடவடிக்கைகளை எடுப்பதற்குத் தமிழீழ விடுதலைப் புலிகள் தீர்மானித்தார்கள். இதன் விளைவாக பிரித்தானியாவின் சட்ட திட்டங்களுக்கு இணங்க, தமிழ்த் தேசிய உணர்வாளர்களைப் பங்குதாரர்களாகக் கொண்ட நிறுவனமாக 1999ஆம் ஆண்டு மே மாதம் 20ஆம் நாளன்று ஐ.பி.சி தமிழ் வானொலி பரிணமித்தது. தமிழீழ விடுதலைப் புலிகளின் அதிகாரபூர்வ வானொலி என்ற கோதாவிலோ, அன்றி தமிழீழ விடுதலைப் புலிகளின் உறுப்பினர்களைப் பங்குதாரர்களாகவோ ஐ.பி.சி தமிழ் வானொலி கொண்டிருக்காத பொழுதும், தமிழீழ தேசிய விடுதலைப் போராட்டத்தின் செல்நெறிக்கு இணங்க செயற்படக்கூடியவர்கள் என்று அடையாளம் காணப்பட்டோரைப் பங்குதாரர்களாகவும், இயக்குநர், செயலாளர், தலைமை நிறைவேற்று அலுவலர், செய்தி ஆசிரியராகக் கொண்ட நிறுவனமாகவே 2009 மே 18 வரை ஐ.பி.சி தமிழ் வானொலி இயங்கியது. இந்தப் பத்தாண்டு காலப் பகுதியில் ஐ.பி.சி தமிழ் வானொலியின் தலைமை நிறைவேற்று அலுவர் பொறுப்பை சிவப்பிரகாசம் சிவரஞ்சித், கு.ரமணன், நாதன் (முரசு என்று அழைக்கப்பட்டவர்) ஆகிய மூவரும் வெவ்வேறு கட்டங்களில் வகித்தனர்.

இந்தப் பத்தாண்டு காலப்பகுதியில் பல்வேறு நெருக்கடிகளையும், சவால்களையும் ஐ.பி.சி தமிழ் வானொலி எதிர்கொண்ட பொழுதும், தமிழீழ தேசிய ஊடகம் என்ற பண்பியல்புடனேயே அது இயங்கி வந்தது. ஐ.பி.சி தமிழ் வானொலியில் அன்று பணிபுரிந்த அனைவரும் தேசியவாதிகளாக இருக்கவில்லை. தமிழீழ தேசிய விடுதலைப் போராட்டத்தையும், அதன் தலைமையையும் வெறுத்தவர்களும், தேசியவாதிகளாகப் பாசாங்கு செய்தவாறு தமக்கென்றொரு ஊடக முத்திரையைக் குத்துவதற்காகத் துடித்தவர்களும், மக்கள் பணத்தைச் சுரண்டி அதில் தமது கஜானாவை நிரப்புவதில் குறியாக இருந்தவர்களும் இருந்தார்கள். ஆனாலும் தமிழீழ தேசத்தின் மீதும், தமிழீழ தேசிய விடுதலைப் போராட்டத்தின் மீது ஆழமான பற்றுணர்வைக் கொண்டவர்களை நிர்வாக மட்டத்தில் பெரும்பான்மையாகக் கொண்ட நிறுவனம் என்ற வகையில் தமிழீழ தேசியத் தடத்தில் ஐ.பி.சி தமிழ் உறுதியாகப் பயணித்தது. இந்தப் பத்தாண்டுகளில் ஐ.பி.சி தமிழ் வானொலியின் நிர்வாக பீடத்தில் ஆட்கள் மாறினார்களே தவிர, அந்நிறுவனத்தின் தேசியப் பண்பியல்பு மாறவில்லை.</p>
<p>இவ்வாறு புலம்பெயர் தேசங்களில் தமிழீழ தேசிய ஊடகம் என்ற பண்பியல்போடு இயங்கிய ஐ.பி.சி தமிழ் வானொலிக்குத் தமிழீழ தாயகத்தில் தனியான இடம் ஒன்றும் இருந்தது. தமிழீழ தாயகத்தில், அதிலும் குறிப்பாக தமிழீழ நடைமுறை அரசு இயங்கிய வன்னிப் பெருநிலப்பரப்பில் இருந்த தமிழீழ விடுதலைப் புலிகளின் பாசறைகள் அனைத்திலும் அதிகாலை வேளையில் முதன் முதலில் ஒலிக்கும் வானொலியாக ஐ.பி.சி தமிழ் வானொலியே திகழ்ந்தது. போர் ஓய்வுக் காலப்பகுதியில் அதிகாலையில் எழுந்து உடற்பயிற்சியில் ஈடுபடும் ஒவ்வொரு போராளிகளும் ஐ.பி.சி தமிழ் வானொலியின் செய்திகளையும், அதில் ஒலிபரப்பாகும் நிகழ்ச்சிகளையுமே முதன் முதலில் செவிமடுப்பார்கள். இவை எல்லாவற்றுக்கும் அப்பால் தமிழீழ தேசியத் தலைவர் மேதகு வே.பிரபாகரன் அவர்களால் விரும்பிக் கேட்கப்படும் வானொலியாக ஐ.பி.சி தமிழ் வானொலி விளங்கியது. வேலைப்பளு காரணமாக அதிகாலை வேளையில் ஐ.பி.சி தமிழ் வானொலியைத் தன்னால் செவிமடுக்க முடியாத சந்தர்ப்பங்களில் அன்றைய ஒலிபரப்பின் ஒலிப்பதிவை வாகனத்தில் செல்லும் பொழுது அல்லது ஓய்வு கிடைக்கும் நேரத்தில் தலைவர் அவர்கள் செவிமடுப்பார். அத்தோடு, வானொலியின் ஒலிபரப்புக்கள் பற்றிய தனது கருத்துக்களையும், விமர்சனங்களையும் அனைத்துலகத் தொடர்பகப் பொறுப்பாளர் வீ.மணிவண்ணன் (கஸ்ரோ) அவர்களிடம் இடையிடையே தலைவர் அவர்கள் தெரிவிப்பதும் உண்டு.

ஐ.பி.சி தமிழ் வானொலி மீது தமிழீழ விடுதலைப் புலிகள் கொண்டிருந்த அபிமானத்திற்கான மூன்று உதாரணங்களை நாம் இங்கு குறிப்பிடலாம்.


 2005ஆம் ஆண்டின் நடுப்பகுதி அது. தொழில்நுட்பக் கோளாறு காரணமாக ஐ.பி.சி தமிழ் வானொலியின் தாயகத்திற்கான சிற்றலை ஒலிபரப்புக்களைத் தெளிவாகச் செவிமடுப்பது இடையிடையே வன்னியில் கடினமாகியிருந்தது. அக் காலப்பகுதியில் ஐ.பி.சி தமிழ் வானொலியின் செய்தியாளர் என அறியப்பட்ட ஒருவர் கிளிநொச்சி சென்று விட்டு வீடு திரும்பிக் கொண்டிருந்த பொழுது திடீரென அவரது வாகனம் கடற்புலிகளின் தளபதி சூசை அவர்களின் மெய்ப்பாதுகாவலர்களால் வழிமறிக்கப்பட்டது. வாகனத்தில் இருந்து இறங்கிய தளபதி சூசை அவர்கள், பதற்றத்துடன் நின்ற சம்பந்தப்பட்ட செய்தியாளரிடம் வந்து ‘நீங்கள் தானா ஐ.பி.சியின் செய்தியாளர்?’ என்று கேட்டார். அதற்கு அந்தச் செய்தியாளரும் தயக்கத்துடன் ‘ஆம்’ என்று கூற, ‘நான் ஐ.பி.சியின் நேயர். என்னால் ஐ.பி.சியைக் கேட்க முடியாமல் உள்ளது. உங்கள் ஐ.பி.சி நிர்வாகத்திடம் கூறி நான் ஐ.பி.சியைக் கேட்பதற்கு ஒழுங்கு செய்து தருவீர்களா?’ என்று அந்தச் செய்தியாளரிடம் தளபதி சூசை அவர்கள் கேட்டுக் கொண்டார்.

இதேபோன்ற இன்னொரு சம்பவமும் 2005ஆம் ஆண்டின் நடுப்பகுதியில் நடைபெற்றது. தமிழீழ விடுதலைப் புலிகளுக்கு எதிரான நிழல் யுத்தத்தை சந்திரிகா அம்மையாரின் அரசாங்கம் முடுக்கி விட்டிருந்த காலப்பகுதி அது. இனியும் சமாதானம் பேசுவதால் எதனையும் சாதிக்க முடியாது என்று தமிழீழ விடுதலைப் புலிகள் இயக்கப் போராளிகள் எண்ணத் தலைப்பட்டிருந்த அக்காலப்பகுதியில் ஆட்சேர்ப்புக்களை மேற்கொண்டு படையணிகளைப் பலப்படுத்துமாறு பிரிகேடியர் சு.ப.தமிழ்ச்செல்வன் அவர்களிடம் தலைவர் அவர்கள் பணித்திருந்தார். அக்காலப்பகுதியில் தமிழீழ விடுதலைப் புலிகளின் ஆட்சேர்ப்பிற்குப் பொறுப்பாக கொள்கை முன்னெடுப்புப் பிரிவுப் பொறுப்பாளர் இளங்கோ (ரமேஸ்) அவர்களே விளங்கினார் (பின்னர் தமிழீழ காவல்துறைப் பொறுப்பாளராக விளங்கியவர்). அப்பொழுது ஆட்சேர்ப்புக்கள் மந்த கதியிலேயே இடம்பெற்றன. அவ்வாறான சந்தர்ப்பத்தில் தமிழீழ தாயகத்தில் நடைபெற்ற பொங்கு தமிழ் எழுச்சி நிகழ்வொன்றில் மக்களால் தெரிவிக்கப்பட்ட கருத்துக்கள் ஐ.பி.சி தமிழ் வானொலியின் ஒலிபரப்பாகியிருந்தன. அன்று காலை ஐ.பி.சி தமிழ் வானொலியை செவிமடுத்ததும் இளங்கோ அவர்களை அழைத்த பிரிகேடியர் சு.ப.தமிழ்ச்செல்வன், ‘ஆட்சேர்ப்புக்கள் எந்தக் கட்டத்தில் இருக்கின்றன?’ என்று கேட்டார். அதற்கு ஆட்சேர்ப்புக்கள் மந்த கதியில் இருப்பாகவும், இன்னமும் மக்கள் முழுமையாக அணுகப்படவில்லை என்றும் இளங்கோ அவர்கள் பதிலளித்த பொழுது, கடும் கோபம் கொண்ட சு.ப.தமிழ்ச்செல்வன் அவர்கள், ‘இன்று காலை ஐ.பி.சி கேட்டீர்களா?’ என்று கேட்டார். அதற்கு ‘இல்லை’ என்று இளங்கோ அவர்கள் பதிலளித்த பொழுது, ஒரு ஒலித்தட்டை அவரிடம் கையளித்த சு.ப.தமிழ்ச்செல்வன் அவர்கள், ‘ஐ.பி.சியின் இன்றைய செய்தியைக் கேட்டு விட்டு வந்து கதையுங்கோ’ என்று அனுப்பி வைத்தார்.

இவ்வாறு ஐ.பி.சி தமிழ் வானொலி என்பது அன்று தமிழீழ விடுதலைப் புலிகளைப் பொறுத்தவரை எங்கோ உள்ள தொலைதூர நாடொன்றில் இருந்து ஒலித்த தமிழீழ தேசத்தின் உரிமைக் குரலாகவே பார்க்கப்பட்டது.

இதனால்தான் 2007ஆம் ஆண்டு நடைபெற்ற ஐ.பி.சி தமிழ் வானொலியின் ஆண்டு விழாவிற்கு வழங்கிய செய்தியில் பின்வருமாறு தமிழீழ விடுதலைப் புலிகளின் முக்கிய உறுப்பினர் க.வே.பாலகுமாரன் தெரிவித்திருந்தார்: ‘தாயகத்தில் இப்போது சேவல் கூவிப் பொழுது விடிவதில்லை. ஐ.பி.சியின் தொடக்க ஒலி கேட்டே எம் பொழுது விடிகின்றது. எம் முதல் பணி காலையில் ஐ.பி.சி கேட்;டல் என்றாகி விட்டது. இதன் வழியிலே எம்மக்கள் உலகைக் காண்கின்றனர், அறிகின்றனர்’ என்றார். இது மட்டுமா?

2005ஆம், 2006ஆம் ஆண்டுகளில் ஐ.பி.சி தமிழ் வானொலியின் கலையகத்தில் நடைபெற்ற ஆண்டு விழாக்களில் சிறப்பு அதிதியாக தேசத்தின் குரல் அன்ரன் பாலசிங்கம் அவர்கள் பங்கேற்று சிறப்பித்தார்.

இவ்வாறு தமிழீழ தேசிய ஊடகம் என்ற தகமையோடு மிளிர்ந்த ஐ.பி.சி தமிழ் வானொலி, 2009 மே 18இற்குப் பின்னர் அதன் தேசியப் பண்பியல்பைத் தொலைத்தது. நான்காம் கட்ட ஈழப் போர் உக்கிரமடைந்த 2008ஆம் ஆண்டு ஆடி மாதம் ஐ.பி.சி தமிழ் வானொலியின் தலைமை நிறைவேற்று அலுவலராக வன்னியில் இருந்து நியமிக்கப்பட்ட நாதன் என்பவர், யுத்தம் நிறைவடைந்ததும் தனது பொறுப்புக்களைப் புறந்தள்ளி, நிதி நெருக்கடியில் இருந்த ஐ.பி.சி தமிழ் வானொலியைக் கைவிட்டார். இவருக்கு அடுத்த படியாக ஐ.பி.சி தமிழ் வானொலியின் நிர்வாகத்தில் இருந்த தினகரன் என்பவரோ தனது முடிவுகளால் ஏற்படப் போகும் பாதிப்புக்களைப் பற்றி சிறிதளவும் சிந்திக்காது வானொலியின் பெரும்பான்மை பங்குதாரராக சு.சத்தியவடிவேலு என்ற தொழிலதிபரை நியமித்தார். விளைவு: தமிழ் மீடியா லிமிட்டட் என்ற பெயரில் இயங்கிய தமிழீழ தேசிய ஊடகமாகிய ஐ.பி.சி தமிழ் வானொலி சத்தி மீடியா லிமிட்டட் என்ற தனியார் நிறுவனமாகியது. அத்தோடு தமிழீழ தேசிய ஊடகம் என்ற பண்பியல்பை இழந்து தனிநபர் ஒருவரின் விருப்பு, வெறுப்புக்களைப் பிரதிபலிக்கும் ஊடகமாக ஐ.பி.சி தமிழ் மாறியது.

ஆனாலும் ஐ.பி.சி வானொலியின் உரிமையாளராக விளங்கிய சத்தியவடிவேலு அவர்களால் அதன் நிதித் தேவைகளைப் பூர்த்தி செய்து வானொலியை நடத்த முடியவில்லை. போதாக்குறைக்குத் தனிநபர்கள் மீது அவதூறும் பரப்பும் வகையில் ஐ.பி.சி வானொலியில் அவரது நிர்வாகத்தின் கீழ் இயங்கிய அறிவிப்பாளர்களால் மேற்கொள்ளப்பட்ட ஒலிபரப்புக்கள் அவரை நீதிமன்றம் வரை கொண்டு சென்று ஐ.பி.சி தமிழ் வானொலியை எவரிடமாவது கையளித்தால் போதும் என்ற நிலைக்கு இட்டுச் சென்றது.

இவ்வாறானதொரு சூழமைவில் 2014ஆம் ஆண்டு ஐ.பி.சி தமிழ் வானொலியில் திடீர் நிர்வாக மாற்றம் ஒன்று ஏற்பட்டது. தமிழீழ தேசிய ஊடகமாக ஐ.பி.சி இயங்கிய காலப்பகுதியில் அதில் அறிவிப்பாளராகப் பணிபுரிந்த பரா பிரபா என்ற ஊடகவியலாளர், லிபரா நிறுவனத்தின் மறு முகமாகச் செயற்பட்டு ஐ.பி.சி வானொலியை கொள்வனவு செய்ததாக தகவல்கள் பரவத் தொடங்கின. எனினும் இது பற்றி பரா பிரபா அவர்களிடம் தமிழ்த் தேசிய செயற்பாட்டாளர்கள் வினவிய பொழுது, ஐ.பி.சி வானொலியைத் தான் தனது தனிப்பட்ட முயற்சியாக வங்கியில் கடன் பட்டுக் கொள்வனவு செய்திருப்பதாகப் பரா பிரபா அவர்கள் அடித்துக் கூறினார். அத்தோடு இலண்டன் தமிழ் மீடியா லிமிட்டட் என்ற தனது பெயரில் பதிவு செய்யப்பட்டிருந்த நிறுவனமே ஐ.பி.சி தமிழ் வானொலியை சத்தி மீடியா லிமிட்டட் என்ற தனியார் நிறுவனத்திடம் இருந்து கொள்வனவு செய்ததாகவும் பரா பிரபா அவர்கள் தெரிவித்தார் (இதே கருத்தையே கடந்த வாரம் ஈழமுரசின் பிரித்தானியச் செய்தியாளர் தொடர்பு கொண்டு கேட்ட பொழுதும் பரா பிரபா அவர்கள் கூறியிருந்தார்).

இக்காலப்பகுதியில் ஐ.பி.சி வானொலியோடு இணைந்து செயற்படுவதற்கான முயற்சிகளில் பிரித்தானியாவில் இயங்கும் தமிழ்த் தேசிய ஊடகமாகிய ஐ.எல்.சி வானொலியின் நிர்வாகிகள் ஈடுபட்டனர். இதற்கான பேச்சுவார்த்தைகளை ஐ.எல்.சி தமிழ் வானொலியின் இணைப்பாளரும், பிரித்தானியாவில் நீண்ட காலமாக தமிழ்த் தேசிய அரசியல் பணிகளில் ஈடுபட்டு வருபவருமாறு அ.தனம் அவர்கள், ஐ.பி.சி தமிழ் வானொலியின் புதிய இயக்குநரான பரா பிரபா அவர்களுடன் மேற்கொண்டார். இது பற்றி அ.தனம் அவர்களிடம் கடந்த வாரம் ஈழமுரசு பத்திரிகையின் பிரித்தானியச் செய்தியாளர் தொடர்பு கொண்டு வினவிய பொழுது, ‘ஐ.பி.சியும், ஐ.எல்.சியும் ஒரே நிறுவனமாக இயங்குவதற்கான முயற்சிகளை நான் மேற்கொண்டேன். இதற்கென்று தனியான செயலணி ஒன்று உருவாக்கப்படுவதையும் நான் முன்மொழிந்தேன். ஆனால் அதனைப் பரா பிரபா ஏற்கவில்லை. தானே ஐ.பி.சியின் இயக்கநராக இருப்பேன். செயலணியாக இயங்குவதில் எல்லாம் தனக்கு உடன்பாடு இல்லை என்றார். இதனால் எமது முயற்சி கைகூடவில்லை’ என்று தெரிவித்தார்.

இது இவ்விதமிருந்த ஐ.பி.சி தமிழ் வானொலியை இயக்கி வந்த பரா பிரபா அவர்களைப் பங்குதாரராகவும், இயக்குநராகவும் கொண்ட இலண்டன் தமிழ் மீடீயா லிமிட்டட் என்ற நிறுவனத்தில் 2015 தை மாதம் 8ஆம் நாளன்று (சிங்கள அதிபராக மைத்திரிபால சிறீசேன வெற்றியீட்டிய அதே நாளில்) மாற்றம் ஒன்று நிகழ்ந்தது. இலண்டன் தமிழ் மீடியா என்ற நிறுவனத்தின் பங்குதாரராகவும், இயக்குநராகவும் பற்ரிக் டேவிட் நிராஜ் (நிராஜ் டேவிட் என்று தமிழ் ஊடகப் பரப்பில் அறியப்படுபவர்) நியமனம் பெற்றார். இவரது நியமனத்தைத் தொடர்ந்து ஐ.பி.சி தமிழ் பெரும் பணச் செலவில் தொலைக்காட்சிச் சேவை ஒன்றைத் தொடங்கியது. இதற்கென இரண்டு மில்லியன் (அதாவது இருபது இலட்சம்) பவுண்கள் செலவில் அதியுயர் தொழில்நுட்ப உபகரணங்கள் கொள்வனவு செய்யப்பட்டன.

இதனைத் தொடர்ந்து அண்மையில் சுவிற்சர்லாந்தில் பெரும் பணச் செலவில் விழாவொன்றை ஐ.பி.சி தமிழ் நடத்தியிருந்தமை வேறு கதை.

இங்கு ஒரு விடயத்தை நாம் சுட்டிக் காட்ட வேண்டியது அவசியமாகின்றது. இன்று ஐ.பி.சி தமிழ் நிறுவனத்தின் உரிமையாளராகவும், இயக்குநராகவும் பதிவு செய்யப்பட்டிருக்கும் நிராஜ் டேவிட் அவர்கள் ஒரு தொழிலதிபர் அல்ல. சமாதான காலப்பகுதியில் நிழல் யுத்தம் தீவிரம் பெற்ற பொழுது தாயகத்தை விட்டுப் புலம்பெயர்ந்து சுவிற்சர்லாந்தில் அகதித் தஞ்சம் கோரியவர் நிராஜ் டேவிட் அவர்கள். இப்பொழுதும் சிறீலங்காவின் குடிமகனாக விளங்கும் அவர் சுவிற்சர்லாந்தில் ஏறத்தாள பத்து ஆண்டுகளே வசித்துள்ளார். அவரிடம் இருபது இலட்சம் பவுண்கள் பெறுமதியான உபகரணங்களைக் கொள்வனவு செய்வதற்கான நிதி எங்கிருந்து கிடைத்தது என்ற கேள்வி உண்டு. அத்தோடு 1997ஆம் ஆண்டில் உருவாக்கப்பட்ட நாள் முதல் வரவை விட செலவை அதிகமாகக் கொண்ட நிறுவனமாகத் திகழ்வது ஐ.பி.சி. அப்படிப்பட்ட ஒரு ஊடக நிறுவனத்தை நிதி நெருக்கடிகளுக்கு மத்தியில் நடத்துவதற்கான நிதி நிராஜ் டேவிட் அவர்களுக்கு எங்கிருந்து கிடைக்கப் பெறுகின்றது?

லிபாரா பிளே என்ற இணையப் பரிவர்த்தனை பொறிமுறை ஊடாக ஒளிபரப்பாகும் ஐ.பி.சி தொலைக்காட்சிக்கான நிதி வளம் லிபாரா நிறுவனத்தின் ஊடாகவே மேற்கொள்ளப்படுவதாகத் தகவல்கள் உண்டு (சட்டச் சிக்கல்கள் காரணமாக இவ்வாறு தான் எம்மால் எழுத முடியும்). ஆனாலும் இதனை இதுவரை அதிகாரபூர்வமாக லிபாரா நிறுவனம் ஒப்புக் கொண்டதுமில்லை: மறுத்ததுமில்லை. அப்படியென்றால் ஐ.பி.சி நிறுவனம் எவ்வாறு தனது செலவுகளை எதிர்கொள்கின்றது? இதற்கு விடையில்லை.

இது பற்றிக் கடந்த வாரம் பரா பிரபா அவர்களுடன் ஈழமுரசின் பிரித்தானியச் செய்தியாளர் தொடர்பு கொண்டு உரையாடிய பொழுது, தான் தற்பொழுது ஐ.பி.சியின் நிர்வாகப் பொறுப்பில் இல்லை என்றும், ஐ.பி.சியின் செலவுகளுக்கு ஈடுகொடுக்க முடியாத நிலையில் அதனை சரியானவர்களிடம் ஒப்படைக்க வேண்டும் என்பதற்கான லிபரா நிறுவனத்தைத் தான் அணுகியதாகவும், அதனைத் தொடர்ந்து தற்பொழுது ஐ.பி.சி நிறுவனத்தின் இயக்குநராக நிராஜ் டேவிட் திகழ்வதாகவும் கூறினார். அதேநேரத்தில் ஐ.பி.சி நிறுவனத்தை ஐ.எல்.சி வானொலியிடம் தான் கையளிக்காததற்குக் காரணம் ஐ.எல்.சியிடம் அதற்கான நிதி வளம் இல்லை என்பதாலேயே என்றும் பரா பிரபா அவர்கள் தெரிவித்துள்ளார்.

எது எவ்வாறிருப்பினும் 2014ஆம் ஆண்டிற்குப் பின்னர் ஐ.பி.சியின் இயக்குநராகத் திகழ்ந்த பரா பிரபா அவர்களிடம், சத்தியா மீடியா லிமிட்டட் என்ற நிறுவனத்திடம் இருந்து எவ்வாறு தனது ஆளுகையின் கீழ் இயங்கிய இலண்டன் தமிழ் மீடியா லிமிட்டட் என்ற நிறுவனத்திற்கு ஐ.பி.சி கைமாறியது என்பது பற்றியோ அன்றி எவ்வாறு 8.01.2015 அன்று நிராஜ் டேவிட் அவர்களின் கைக்கு இலண்டன் தமிழ் மீடியா லிமிட்டட் மாறியது என்பது பற்றியோ இதுவரை திருப்திகரமான பதில் எதுவும் இல்லை.
 
ஒரு தேசிய ஊடகம் என்பது தேசியவாதிகளை நிர்வாகிகளாகவும், தேச பக்தர்களை நிதிமூலமாகவும் கொண்டு இயங்குவது. 2009 மே 18இற்குப் பின்னர் வலம் வரும் ஐ.பி.சி நிறுவனத்தின் நிலை அப்படி அல்ல. அதில் தேசியவாதிகள் என்ற வலம் வருபவர்களும் இருக்கின்றார்கள், பச்சைப் புலியெதிர்ப்பாளர்களாகத் தம்மை அடையாளம் காட்டும் பரபரப்பு ரிசி போன்ற தமிழ்த் தேசிய எதிர்ப்பாளர்களும் இருக்கின்றார்கள். இவை போதாதென்று ஐ.பி.சியின் நிதிமூலங்களும் மர்ம முடிச்சுக்களாக உள்ளன.
நன்றி: ஈழமுரசு (26.07.2016)

பிரித்தானியாவில் No 10, Downing Street, London SW1A 2AA எனும் இடத்தில் 24.07.2016 மதியம் 12:00 மணி முதல் மாலை 04:00 வரை நாடு கடந்த தமிழீழ அரசாங்கத்தினால் மாபெரும் கவனயீர்ப்புப் போராட்டம் ஒன்று நடைபெற்றது.

எமக்காக போராடியவர்கள் அண்மைக்காலமாக புனர்வாழ்வளிக்கப்பட்டு விடுதலை செய்யப்பட்டவர்கள் மரணத்தை தழுவி வருகின்றனர் மேலும் கைது செய்யப்பட்டு விடுதலை செய்யப்பட்ட போராளிகள் இடுப்புக்கு கீழே இயங்க முடியாத நிலையிலும் உள்ளனர் இது பலத்த சந்தேகங்களை ஏற்படுத்தியுள்ளது.

☆ 2009 ம் ஆண்டு இராணுவத்திடம் சரணடைந்து புனர்வாழ்வளிக்கப்பட்டு விடுதலை செய்யப்பட்ட 104 போராளிகளது சந்தேகத்திற்கு இடமான  மரணங்கள் குறித்து நம்பகத்தன்மையுடன் சர்வதேச விசாரனை மேற்கொள்ளப்பட வேண்டும்

☆ முன்னால் போராளிகளாய் இருந்து புனர்வாழ்வளிக்கப்பட்டவர்களின் உடல் நிலை பரிசோதனைக்கு உட்படுத்தப்பட வேண்டும் 

ஆகிய அம்சக்கோரிக்கைகளை முன் வைத்து நாடு கடந்த தமிழீழ அரசாங்கத்தினால் கவனயீர்ப்பு போராட்டம் நடைபெற்றது. 

இதன்போது நூற்றுக்குமதிகமானோர் கலந்து கொண்டு எங்கள் உறவுகளின் கோரிக்கைக்கு வலுச்சேர்த்தனர்

புலம்பெயர் தேசங்களில் இப்படியான ஒருசில உணர்வுபூரமான செயற்பாட்டினால் தான் இன்னமும் தமிழர்கள் மீதான இனச்சுத்திகரிப்பு சர்வதேச அழுத்தத்தால் ஓரளவுக்கேனும் பாதுகாக்கப்படுகின்றன. 


10 ஆடி 2047 (25.07.2016) திங்கள் பிற்பகல் 1400 மணி

கொழும்பு, வத்தரமுல்லை, இசுருபாய, கல்வி அமைச்சு வளாகம்.

இலங்கையில் 16 திருவள்ளுவர் சிலைகள் ஒரே நாளில் கையளிப்பு.

கரு: மறவன்புலவு க. சச்சிதானந்தன்

உரு: தமிழ்நாட்டின் தொழிலதிபர், செவாலியர், டாக்டர், கலைமாமணி, தமிழக அரசின் திருவள்ளுவர் விருதாளர், கவிச்சக்கரவர்த்தி, வி. ஜி. சந்தோசம்

திரு: மாண்புமிகு இராசாங்கக் கல்வி அமைச்சர் வே. இராதாகிருட்டிணன்.

8 அடி உயரமான 16 திருவள்ளுவர் சிலைகளைக் கல்வி அமைச்சு வளாகத்தில் வரிசையாக அடுக்கி வைத்திருந்தனர். மாண்புமிகு கல்வி அமைச்சர் அகிலா விராசர் காரியவாசம் ஒவ்வொரு சிலையாக ஒவ்வொரு பயனாளி அமைப்புக்கும் கொடுத்தார். (பட்டியல் இலங்கைப் படத்தில் இணைப்பில்)

அதன்பின்னர் நூற்றுக்கணக்கானோர் பங்களித்த. கையளிப்பு விழாக் கூட்டம்.


--
மறவன்புலவு க. சச்சிதானந்தன்
Maravanpulavu K. Sachithananthan

ஐம்பது நாள்களாய் தொடரும் தமிழக வழக்கறிஞர்கள் போராட்டம்.... தீவிரமாகிறது.... நான் உட்பட 105 பேர் பணி செய்யத் தடை விதிக்கப்பட்டுள்ள நிலையில், இன்று பல ஆயிரம் வழக்கறிஞர்கள் கைதாகி உள்ளனர்.

வழக்கறிஞர்களை அடிமைகளாக மாற்ற நினைக்கும் நீதிபதிகளை எதிர்த்து நாங்கள் போராடிவருகிறோம்...

ம.தி.மு.க. பொதுச் செயலாளர் வைகோ , தமிழர் தேசிய முன்னணி தலைவர் பழ.நெடுமாறன் ஆகியோர் வழக்கறிஞர்கள் போராட்டத்துக்கு ஆதரவாக அறிக்கை கொடுத்துள்ளனர்.

இதே போல,

மற்ற அமைப்புகளின் தலைவர்களும் இதே போல எங்களுக்கு ஆதரவு அறிக்கை தர வேண்டுகிறோம்....

தமிழ் இராஜேந்திரன்

வழக்கறிஞர்
கரூர்...
9789433344


டென்மார்கில்   கறுப்பு ஜூலை படுகொலைகளை நினைவேந்தி கவனயீப்பு போராட்டம் நடைபெற்றன.


தமிழ் மக்கள் மீதான இன அழிப்பின் முக்கிய நாளான கறுப்பு ஜூலை படுகொலைகளை நினைவேந்தியும்  33 ஆண்டுகளாகத் தொடரும் தமிழினப் படுகொலைக்கு நீதி கோரியும் கறுப்பு ஜூலை நீங்காத நினைவுகளோடு  23.07.2016 அன்று சனிக்கிழமை,  10.00 மணியளவில் இருந்து Århus Rådhuspladsen கவனயீப்பு போராட்டம் நடைபெற்றன.

இலங்கைத் தீவு இரு தேசங்கள் கொண்டதென்பதை சிறீலங்கா அரசாங்கம் உணர்ந்ததும், தமிழீழத் தனி அரசே தமிழ் மக்களுக்கான ஒரே தீர்வு என்பதனை தமிழ் மக்கள் தமது ஆன்மாவில் உரம் ஏற்றிக் கொண்டதுமான நாள் யூலை 23 ஆகும். தமிழீழ மக்களுக்கு எதிராக சிறீலங்கா அரசாங்கம் 1983ம் ஆண்டு மேற்கொண்ட யூலை இன அழிப்புப்போர் நடைபெற்று இந்த வருடத்துடன் 33 ஆண்டுகள்  ஓடிவிட்டன. 




23.07.1983 அன்று யாழ் திருநெல்வேலிப் பகுதியில் வைத்து சிறிலங்கா படையினர் மீதான தாக்குதலின்போது வரலாறாகிய லெப்டினன்ட் செல்லக்கிளி அம்மானின் 33ம் ஆண்டு வீரவணக்க நாள் இன்றாகும்.

தளபதி லெப்.சீலன் அவர்கள் மீதான தாக்குதலுக்கான பதில் நடவடிக்கையாக 23.07.1983 அன்று இரு படை ஊர்திகளில் சுற்றுக்காவல் வந்த சிறிலங்கா படையினர் மீது தாக்குதல் நடாத்தப்பட்டது.

கண்ணிவெடித் தாக்குதலுடன் தொடங்கிய விடுதலைப் புலிகளின் கரந்தடித் தாக்குதலில் சுற்றுக்காவல் வந்த படையினரில் 13 பேர் கொல்லப்பட இரு படுகாயத்துடன் தப்பியோடினர்.

தமிழீழ தேசியத் தலைவர் அவர்கள் உட்பட விடுதலைப் புலிகளின் மூத்த உறுப்பினர்கள் பங்கெடுத்த இத்தாக்குதல் லெப்.செல்லக்கிளி அவர்களின் தலைமையிலேயே நடாத்தப்பட்டது.

படை ஊர்தியை இலக்கு வைத்து கண்ணிவெடி இயக்கிய லெப். செல்லக்கிளி அம்மான் பின்னர் படையினருடன் இடம்பெற்ற மோதலில் வீரச்சாவைத் தழுவிக் கொண்டார்.

வரலாற்றுப் புகழ்வாய்ந்த யாழ். திருநெல்வேலி தாக்குதல். 

1983ம் ஆண்டு யூலை 23ம் திகதி இரவு 11மணியளவில் திருநெல்வேலிச் சந்தியைக் கடந்து யாழ்ப்பாணம் நோக்கி ஒர் வெள்ளை நிற டெலிக்கா வான் வந்துகொண்டிருக்கிறது. வானை செல்லக்கிளி செலுத்த அவனை அடுத்து கையில் S.M.G உடன் கம்பீரமாக உட்கார்ந்திருக்கிறான் விக்ரர். அவனை அடுத்து நான் வானின் பின்பகுதியில் தம்பி, மற்றும் ஏனைய தோழர்கள்.

நாம் முன்பு திட்டமிட்டபடி வான் தபால்பெட்டிச் சந்தியில் நிற்க எல்லோரும் கீழே இறங்குகிறோம். அங்குதான் கண்ணிவெடி புதைக்க வேண்டும். வான் அந்த இடத்தில் நின்று நாங்கள் இறங்க அயல் சனங்கள் அரவம் கேட்டு வெளிவரத்தொடங்க விக்ரரும், செல்லக்கிளியும் (இராணுவச் சீருடை அணிந்து இருந்தனர்) சிங்களத்தில் உரக்கத் கதைத்தபடி றோட்டிலே நடக்கத் தொடங்க வெளியே எட்டிப் பார்த்த தலைகளை காணவில்லை. வெளிச்சம் போட்ட இருவீடுகளின் விளக்குகளும் அணைந்து விட்டது. யாரும் வெளிவரவில்லை. இராணுவத்தினர் வந்து நிற்கின்றனர் என்று நினைத்து விட்டனர்.

முன்பு திட்டமிட்டபடி அப்பையா அண்ணை, விக்ரர், செல்லக்கிளி மூவரும் வெடிகளைப் புதைக்க ஆரம்பிக்கின்றனர். விக்ரரும் செல்லக்கிளியும் பிக்கானால் றோட்டிலே கிடங்கு வெட்டுகின்றனர். கண்ணிவெடி புதைப்பது பெரிய வேலை. வெடிமருந்து தயார்படுத்துகையில் வெடிமருந்தின் நச்சுத் தன்மையால் தலையிடிக்கும். என்னுடைய அனுபவப்படி தாங்க முடியாத தலையிடி. அதன்பின் கிடங்குவெட்டி, (இறுகப் போடப்பட்ட தார் றோட்டிலே கிடங்கு வெட்டுவது அவ்வளவு இலகுவானதல்ல) இவற்றையும விட தாக்குதலின் போது சண்டையும் போடவேண்டும்.

எமது தகவலின் படி சுமார் நள்ளிரவு 12 மணியளவில் பலாலியில் இருந்து யாழ்ப்பாணத்துக்கு ஒரு ஜீப் வண்டியிலும், ஒரு ட்ரக் வாகனத்திலும் இராணுவத்தினர் வருவது வழக்கம். ஜீப்பில் 4 இராணுவத்தினரும் ட்ரக்கில் 10 பேர் அளவிலும் வருவார்கள் எனத் தகவல். எனவே யாழ். பல்கலைக்கழக பின்வீதி பலாலி றோட்டைச் சந்திக்கும் இடமாகிய தபால் பெட்டிச் சந்தியில், கண்ணிவெடிபுதைத்து இரண்டாவதாக வரும் வாகனத்துக்கு கண்ணி வெடியால் தாக்க முன்னால் வரும் வாகனத்தைச் சுட்டு மடக்குவது என்று நாம் வகுத்த திட்டம். அதன்படி திருநெல்வேலிச் சந்தியில் ஒரு வோக்கிரோக்கி. அது அவர்களுடைய வரவை எமக்கு அறிவிக்கும்.

விக்ரரும் செல்லக்கிளியும் அப்பையா அண்ணையும் கண்ணிவெடி தயார்படுத்திக் கொண்டிருக்கையில் மற்ற எல்லோரும் அருகில் உள்ள வீடுகளின் சுவர்களின் உள்ளே பாய்ந்து தத்தமக்கு உரிய இடத்தை தேர்ந்தெடுக்கத் தொடங்கினோம். ஒவ்வொருவருக்கும் இடம் கிடைத்தது. கண்ணிவெடியை புதைத்துக் கொண்டிருக்கையில் விக்ரர் விலகி தனக்கு ஒதுக்கப்பட்டிருந்த இடத்தின் சுவரின் உள்ளே பாய்கின்றான். சுவர் அவனை விட உயரமாக இருக்க பின்பு வெளியில் குதித்து உயரம் வைப்பதற்காக தெருவில் தேடி சில பெரிய கற்களை எடுத்து உள்ளே போட்டு தன் உயரத்தைச் சரிப்படுத்திக்கொண்டு அந்த சுவரின் மறைவைக் கொண்டு தன் நிலையை சீர்படுத்திக் கொள்கிறான். துப்பாக்கியை தோளில் வைத்து இயக்கிப்பார்க்கும் விதங்களையும், துப்பாகியை இலகுவாக இயக்கமுடியுமா என்பதையும் சரி பார்த்துக் கொள்கின்றான்.

தம்பி (பிரபாகரன்) தபால் பெட்டிச் சந்தியில் இருந்து திருநெல்வேலிப்பக்கமாக உள்ள ஒரு வீட்டின் சுவரின் பின்னே நிலையை எடுத்து தாக்குதலுக்கு தன்னை தயார்படுத்திக் கொண்டிருக்கையில் வோக்கி செல்லக்கிளியை கூப்பிடுகின்றது.

செல்லக்கிளி அம்மான் மிக அவசரமாக தன் வேலையை முடித்துக்கொண்டு மீதி வேலையை அப்பையா அண்ணையிடம் விட்டுவிட்டு தனது நிலைக்குச் செல்கின்றான். அம்மான் அருகில் உள்ள ஒரு கடையின் மேல் வெடிக்கவைக்கும் கருவியுடனும் தானியங்கி இயந்திரத் துப்பாக்கியுடனும் தயாராகின்றான்.

வெளிச்சம் எமக்கும் தெரிந்தது. அப்பகூட வேலை முடியவில்லை. விக்ரர் "அப்பையா அண்ணை வெளிச்சம் வருகின்றது கெதியா மாறுங்கோ"" என்று கத்த அப்பையா அண்ணை வயர் ரோல்களுக்கு ரேப் சுத்திக் கொண்டிருக்கையில், வோக்கி மீண்டும் அலறியது.

"அம்மான் நாங்கள் பார்த்துக் கொண்டிருப்பவர்கள்தான். முன்னால் ஜீப், பின்னால் ட்ரக்" என்று அறிவித்தது. எனவே அம்மான் ட்ரக் வண்டிக்கு கண்ணிவெடியால் தாக்க முன்னால் வரும் ஜீப்புக்கு நாம் தாக்குதல் தொடுக்கத் தயாராகிக் கொண்டிருக்கையில் வெளிச்சங்கள் நெருங்கிக் கொண்டிருக்கின்றன.

ஜீப்பை எம்மிடம் வரவிட்டு, பின்னால் வரும் ட்ரக்வண்டியை கண்ணிவெடியால் தாக்கி அதில் தப்புபவர்களைச் சுடுவதாக எமது திட்டம். ட்ரக் வண்டியில் பின்பக்கமாக இருப்பவர்களை சுடக்கூடியவாறு விக்ரர் நிற்கின்றான். விக்ரரையும் தாண்டுபவர்களை கவனிக்க தம்பியும் சில தோழர்களும் நிற்கின்றனர். வெளிச்சங்கள் திருநெல்வேலிச் சந்தியைக் கடந்து வந்துகொண்டிருந்தது. நான் எட்டிப்பார்த்தேன். முன்னால் இரு விளக்குகளுடன் ஒரு வாகனம். அந்த விளக்குகளுக்கிடையிலான இடைவெளியைக் கொண்டு அது ஜீப் என்று புரிந்துகொண்டேன். அடுத்து ட்ரக். மெல்ல வந்து கொண்டிருக்கின்றன.

நாம் ஜீப்பைத் தாக்குவதற்குத் தயாராகிக்கொண்டிருக்க ஜீப் விக்ரர் நின்ற இடத்தைத் தாண்டி கண்ணிவெடி வைத்த இடத்தை அண்மித்த போது கண்ணிவெடி வெடிக்க வைக்கப்பட்டுவிடுகிறது. எமக்கு அதிர்ச்சி. ஏன் அப்படி நடந்தது? சிந்திக்க நேரமில்லை. உண்மையில் ஜீப்வண்டியை விட்டு பின்னால் வரும் ட்ரக் வண்டிக்கே கண்ணிவெடி வைக்க இருந்தோம். இன்றுவரை அது ஏன் ஜீப்புக்கு வெடிக்க வைக்கப்பட்டது என்பது தெரியாது. ஏனென்றால் அதை வெடிக்க வைத்த செல்லக்கிளி அதை விளக்கவில்லை. சண்டை முடிந்தபோது அவனை நாம் இழந்துவிட்டோம்.

சிந்திக்க நேரமில்லை. உடனே நானும் என்னோடு நின்றவர்களும் சுடத்தொடங்கினோம். ஜீப்பின் வெளிச்சம் அணையவில்லை. எனவே பின்னால் நடப்பவை எடக'கும' எமக்குத் தெரியவில்லை. எனது G3யால் இரு விளக்குகளையும் குறிபார்த்து உடைத்தேன். விளக்கு உடைந்ததும் பின்னால் நின்ற ட்ரக்கின் வெளிச்சத்தில் ஜீப்பில் இருந்த சில உருவங்கள் இறங்குவதைக் கண்டு அவற்றை நோக்கியும் ஜீப்பை நோக்கியும் ரவைக் கூட்டில் போடப்பட்டு இருந்த அத்தனை குண்டுகளையும் சுட்டேன். அது இப்படி இருக்க விக்ரரைப் பார்ப்போம்.

ஜீப் வண்டி அவனைத் தாண்டும் போது விக்ரர் தன் தலையை சுவருக்கு உன்ளே இழுத்துக் கொண்டு நிற்கையில் மிகப்பெரிய சத்தத்துடன் கண்ணிவெடி வெடிக்கிறது. விக்ரர் தலையை நிமிர்த்திப் பார்க்க ஓரே புழுதிமண்டலம். மங்கலாக ஒருவன் வெடித்த ஜீப்பில் அருந்து ஓடிவருவது தெரிய அவனைக் குறிவைத்து விசையை அழுத்த. சில குண்டுகள் அவனின் உடலில் பாய அவன் தூக்கி எறியப்படுகின்றான். அப்படியே சுருண்டுவிழுந்து விட்டான். இன்னுமொருவன் ஓடிவர அவனை நோக்கிச் சுட அவன் மீண்டும் ஓடிவர மீண்டும் சுட குண்டுகள் அவனை வீழ்த்தவில்லை. ஆனால் காயத்துடன் பல்கலைக்கழக பின் வீதியால் ஓடினான். விக்ரர் அவனைத் திருப்பிச் சுட்டான். வானளாவ உயர்ந்த புழுதி மண்டலம் அடங்கவில்லை. மற்றும் தகுந்த வெளிச்சம் இல்லை. எனவேதான் சரியாகச் சுடமுடியவில்லை. அவன் ஓடிவிட ஜீப்புக்குக் கிட்டே ஒன்றோ இரண்டோ துப்பாக்கிகள் விக்ரரை நோக்கிச் சுட்டன. அதன் சுவாலையை விக்ரர் கண்டான். தன் இயந்திரத் துப்பாக்கியால் அந்த சுவாலையை மையமாக வைத்து சில வேட்டுக்களைத் தீர்த்தான். பின்பு அடங்கிவிட்டது. மேலும் ஒருசில உருவங்கள் தெரிய அவற்றை நோக்கியும் சில குண்டுகளைச் சுட்டான் துப்பாக்கி திடீரென்று நின்றுவிட்டது. விக்ரருக்கு விளங்கிவிட்டது. போடப்பட்ட குண்டுகள் தீர்ந்துவிட்டது. குண்டுகள் நிரப்பப்பட்ட மறு ரவைச் சட்டத்தைமாற்றி மீண்டும் சுட்டான். அதேவேளை பின்னால் வந்த ட்ரக் வண்டியின் சாரதி வெடி வெடித்ததைப் பார்த்தான். அவன் உடல் சில்லிட்டது. பெரிய வெளிச்சத்தையும், ஜீப் மேலே தூக்கி எறியப்பட்டதையும் கண்ட சாரதி தன்னை அறியாமலே பிரேக்கை இறுக அமத்தினான். ஏன் பிரேக் அழுத்தும் மிதி மீது ஏறி நின்றான் என்றே கூறலாம்.

ட்ரக் பிரேக் போட்டு நின்றதும் ட்ரக்கின் பின்புறத்தில் இராணுவத்தினர் தம் துப்பாக்கியை தயாராக்கியவாறு இருக்கையிலிருந்து எழத்தொடங்கினர்.

தம்பி இரு வாகனங்களும் தன்னைத் தாண்டு மட்டும் சுவரின் மறைவிலே குந்தியிருக்க, இரு வாகனங்களும் அவரைத் தாண்டுகிறது. சிறிதாக நிமிர்ந்து பார்க்கையில் ஜீப் வண்டி கண்ணி வெடியை நெருங்கிக் கொண்டிருக்க ட்ரக் அவருக்கு 20 யார் தூரத்தில் சென்றுகொண்டிருக்க கண்ணிவெடி வெடித்தது. ட்ரக் அவருக்கு மிகக் கிட்ட கையில் எட்டிப்பிடிக்குமாப் போல் துரத்தில் பிரேக் போட்டதால் குலுங்கி நிற்க தான் எப்போதும் உடன் வைத்திருக்கும் அவருடைய G3 வெடிக்கத்தொடங்கியது.

ட்ரக்கின் இருக்கையில் இருந்து இராணுவத்தினர் எழுந்தும் எழாததுமான நிலையில் தம்பியின் G3 வெடிக்கத் தொடங்கியது. G3 யிலிருந்து புறப்பட்ட சூடான ரவைகள் தாக்குதலுக்குத் தயாராக எழுந்த இராணுவத்தினரை வரிசையாக விழுத்தத்தொடங்கியது.

சற்றும் எதிர்பாரமல் ஏற்பட்ட இத்திருப்பம் தம்பியை ஆபத்தின் உச்ச எல்லைக்குள் சிக்கவைத்துவிட்டது.

ஆனால், இந்த எதிர்பாராத திருப்பமே இப்போரின் முழுவெற்றிக்கு வழி அமைத்தது எனலாம். மிகத் துரிதமாகவும் குறிதவறாமலும் துப்பாக்கியை கையாள்வதில் முதன்னமயாளராகத் திகழும் தம்பியிடம் ட்ரக்கில் வந்த 9 இராணுவத்தினரும் சிக்கியதே எமது முழு வெற்றிக்கு வழி கோலியது.

ட்ரக் மிகக் கிட்ட நிற்பதால் இலகுவாக தம்பியால் அவர்களைச் சுடமுடிகிறது. வெடியன் அதிர்வில் தெரு விளக்குகள் அணைந்துவிட்ட பொழுதிலும் மிகக் கிட்டேயிருப்பதால் ஒவ்வொருவராகக் குறிவைத்துச் சுட்டார். ஆனால் மிக அபாயகரமான நிலை அவருக்கு. இராணுவத்தினரைப் பொறுத்தவரையில் தம்பி மிகக் கிட்டே நிற்கிறார். எதிர்பாராமல் இத்தாக்குதலில் மிக அபாயத்தின் எல்லையில் தம்பிதான் நிற்கிறார். ஆனால் தனது ஆளுமையால், ஆற்றலால் வரிசையாக இராணுவத்தினரை விழுத்தி வந்த போதிலும் இரண்டு சாதுரியமான இராணுவத்தினர் ட்றக்கிலிருந்து கீழே சில்லுக்குள் புகுந்துகொண்டு, மறைந்திருந்து தமது தாக்குதலை ஆரம்பித்தார்கள். தம்பி நின்ற சுவரில் வேட்டுக்கள் பட்டுத் தெறித்துக்கொண்டிருந்தன. இத்துடன் ட்றக்கின் முன்புறத்தில் இருந்தவர்களும் கீழே பாய எத்தனித்தனர். இதை நோக்கிய தம்பியின் G3 இவர்களையும் நோக்கி முழங்குகிறது.

இதிலே மிகவும் சங்கடம் என்னவென்றால் தம்பிக்கு உதவிக்கு எவரும் இல்லை நாம் எமது திட்டத்தின் படி ஜீப்பை முன்னே விட்டு ட்ரக் வண்டிக்கு கண்ணிவெடித் தாக்குதல் செய்வதாக இருந்ததோம். அத்திட்டத்தின்படி தம்பியை மிகப் பின்னுக்கு வைத்திருந்தோம். ஆனால் இப்போ தனியாகவே ட்றக்கை சமாளிக்க வேண்டிய நிலைக்கு தம்பி தள்ளப்பட்டு விட்டார். இதே நேரம் ஜுப்பை நோக்கி சுட்டுக்கொண்டிருந்த விக்ரர் தனக்கு 20 யார் பின்னே ட்ரக் நிற்பதையும் அதிலிருந்து துப்பாக்கிகள் சடசடப்பதையும் அவதானித்தான். தன் இயந்திரத் துப்பாக்கியை ட்றக்கை நோக்கி திருப்பினான். ட்றக்கின் முன் கண்ணாடிகள் சிதறுகின்றன. கண்ணாடிக்கு குறுக்காக ஓர் நீளவரிசையாகச் சுட்டான்.

அப்பொதுதான் சாரதி இறந்திருக்க வேண்டும். நாம் பின்பு பார்த்தபோது தனது இருக்கையிலேயே ஸ்ரேறிங்கில் சாய்ந்து வாயால் இரத்தம் கக்கியபடி உயிரை விட்டிருந்தான்.

விக்ரரின் இடத்திலிருந்து சற்று முன்னோக்கி எதிரில் இருந்த ஒழுங்கையிலிருந்து '"பசீர் காக்கா"" றிப்பீட்டரால் ஜீப்பை நோக்கிச் சுட்டுக்கொண்டிருந்தார். றிப்பீட்டரில் தோட்டாக்கள் முடியும்போது அதை மாற்றித் திருப்பித் தாக்கும் படி செல்லி உற்சாகமூட்டிக் கொண்டிருந்தார் காக்காவின் அருகிலிருந்த அப்பையா அண்ணை. அப்போழுது ஒழுங்கையை நோக்கி ஒருவன் S.M.G உடன் ஓடி வந்தான். 'சுடு" என்ற அப்பையா அண்ணை உடனே 'கவனம் எங்கட பெடியளோ தெரியாது பார்த்துச் சுடு" என்றார். றிப்பீட்டர் சத்தம் ஓய வந்தவன் பிணமாகச் சரிந்தான். அவனது S.M.Gயை அப்பையா அண்ணை ஓடிவந்து எடுத்துக்கொண்டார். இவனே ரோந்துப் பிரிவுக்கு தலைமை தாங்கிய லெப்ரினன்ட் என்று பின்னர் தெரிந்து கொண்டோம். அவனது விசேட இராணுவப் பட்டிகள் அதை உறுதிப்படுத்தின.

இதே நேரம் தம்பி தனியே நிற்பதை உணர்ந்து ரஞ்சனையும் இன்னொரு போரளியையும் "தம்பியிடம் ஓடு" என்று துரத்தினேன். அவர்கள் அருகிலுள்ள வீடுகளால் பாய்ந்து தம்பியை நோக்கிச் சென்றனர்.

ஆனால் ரஞ்சனும் சக போராளியும் தம்பியை நோக்கி சென்றடைந்த போது ட்றக்கிலிருந்த அனைத்து துப்பாக்கிகளையும் தம்பியின் தனி ஒரு G3 ஓயவைத்துவிட்டது.

சாதாரணமாக எவரும் நம்புதற்கரிய இவ்வீரச்செயலை முடித்து விட்டு அமைதியாக வீட்டின் அருகேயுள்ள மாமரத்தின் கீழிருந்து முடிந்த ரவைக்கூட்டிற்கு ரவைகளை நிரப்பிக் கொண்டிருந்தார் தம்பி.

மதிலேறிக்குதித்த ரஞ்சனும் மற்றைய போரளியும் ஆயுதத்தோடு ஒரு நபர் இருப்பதைக் கண்டு ஆயுதத்தைத் தயார்நிலைக்குக் கொண்டுவந்து "யாரது"" என்று முன்னே வந்தனர்.

"அது நான்ராப்பா"" என்றவாறு ரஞ்சனை அடையாளம் கண்ட தம்பி இங்கே எல்லாம் முடிந்தது. உங்கடை பக்கம் எப்படி என்றார். "அண்ணை எங்கடை பக்கம் பிரச்சினையில்லை"" என்றார் ரஞ்சன்.

"இங்கையும் எல்லாம் முடிந்து விட்டது, ஆனால், எனக்கு சற்று முன்பாக எதிரேயிருந்த புலேந்திரனையும் சந்தோசத்தையும் காணவில்லை, வா பார்ப்போம்"" என்றவாறு தன் பிரியத்திற்குரிய பG3யை தூக்கிக்கொண்டு விரைந்தார் தம்பி.

மதிலேறிக் குதிப்பதற்குமுன் ரஞ்சனுடன் வந்த போராளி தம்பியின் அனுமதியைப் பெற்று எதற்கும் முன்னெச்செரிக்கையாக ஓர் குண்டை வீசினான். குண்டு ட்ரக்கின் கீழ் விழுந்து வெடித்து எரிபொருள் தாங்கியை உடைத்தது.

இதன்பின் மதிலேறிக் குதித்து றோட்டைத் தாண்டி புலேந்திரன் சந்தோசத்தின் இடத்தையடைந்தான். அங்கு புலேந்திரன் சந்தோசத்தைக் காணவில்லை. 'எதற்கும் முதலில் இறந்தவர்களின் ஆயுதங்களைச் சேகரியுங்கள்" எனக் கட்டளையிட்டார் தம்பி. மதிலேறி றோட்டில் குதிக்க ஆயத்தமான ரஞ்சனுடன் வந்த மற்ற வீரன் தம்பியைப் பார்த்து "அண்ணா அவன் அனுங்குகிறான்." மீண்டும் ஒருமுறை முழங்கிய G3 அவனின் அனுங்கலுக்கு முற்றுப்புள்ளி வைத்தது.

இதன் பின் ட்ரக்கை நெருங்கி ஆயுதங்களை சேகரிக்கத் தொடங்கினர். தம்பி எதற்கும் என்று வெளியே கிடந்த இராணுவத்தினரின் தலையில் இறுதி அத்தியாயத்தை G3ஆல் எழுதிவைத்தார். Gயின் வேகம் மண்டையோடுகளைப் பிளக்க வைத்தது.

இதே நேரம் பல்கலைக்கழக பின் வீதியால் ஓடிய ஓர் இராணுவவீரனை இன்னோர் போரளி துரத்திச் சென்று சுட்டான். ஜீப்பை முற்றாக முடித்துவிட்டு பொன்னம்மானும் நானும் என்னுடைய போரளிகளும் ட்ரக்கை நோக்கி நடு றோட்டால் ஓடினோம்.

"கரையால் வாருங்கள்"" என்ற குரல் எம்மை வரவேற்றது. எல்லோரும் தம்பியை சூழ்ந்துகொண்டு மகிழ்சி ஆரவாரம் செய்து கொண்டு ஆயுதங்களைப் பொறுக்கத் தொடங்கினோம். இதற்கிடையில் பொன்னம்மான் அதீத மகிழ்ச்சியுடன் இறந்து கிடந்த இராணுவத்தினரின் ஹெல்மெட்டை தலையில் போட்டுக்கொண்டு ட்ரக்கின் கீழே இறந்து கிடந்த இராணுவ வீரர்களினது ஆயுதங்களை தேடி எடுத்துக்கொண்டான்.

இத் தாக்குதல் இரவு நேரமாதலால் எம்மையும் இராணுவத்தினரையும் பேறுபிரிக்க நாம் ஹெல்மெட்டைத் தான் குறியீடாகப் பாவித்தோம். எனவே ஹெல்மெட்டுடன் ஓர் உருவம் நகர்வதைக்கண்ட தம்பி உடனடியாக துப்பாக்கியை தயார்நிலைக்கு கொண்டு வந்து "யாரது" என்று வினவ அம்மான் "அது நான் தம்பி" என்றவாறு தனது தவறை உணர்ந்து ஹெல்மெட்டைக் கழற்றினார்.

பொன்னம்மானை செல்லமாக கண்டித்தவாறு எல்லாரையும் சரிபார்க்குமாறு தம்பி பணிக்க "அம்மானைக் காணவில்லை"" என்று விக்ரர் கத்தினான். விக்ரரும் புலேந்திரனும் அம்மான் நின்ற கடையின் மேல் ஏறினர். "டேய் அம்மானுக்கு வெடி விழுந்திட்டுது" என்ற விக்ரரின் குரல் எங்கும் எதிரேலித்தது. எல்லோரும் அங்கே ஓட நான் வானை எடுத்து வந்தேன்.

வானில் அம்மானை ஏற்றும்போது அம்மானின் உடல் குளிர்ந்துவிட்டது.

லிங்கம் இறுதியாக இராணுவத்தினரின் தலையில் போட றெஜி ஆயுதங்களைப் பொறுக்கினான்.

வான் புறப்படத் தொடங்க மழையும் மெதுவாகத் தன் கரங்களால் வாழ்த்துத் தெரிவித்தது. எமக்கு செல்லக்கிளி அம்மானின் மரணத்திற்காக இடியும் மின்னலும் சேர்ந்து இறுதி வணக்கம் செலுத்த வான் எமது முகாம் நோக்கி பறந்தது.

- அன்புடன் கிட்டு –


ஈழம் ரஞ்சன் 


மூத்த வழக்கறிஞர் ப.பா.மோகன் அவர்கள் எனது இணைய தள பணிகளை பாராட்டி அனுப்பிய வாழ்த்தும் அதற்காக எனது ஏற்பும்....

Dear Rajendran, you have multifaceted personality which you utilise for public good. Congratulations

By
Pa.Pa.Mohan
Senior Advocate
Bhavani.

Thanks for your encouraging appreciation ...by

Tamil Rajendiran
Advocate
M/S 98/1988
[7/23, 7:48 AM] Tamil Raajendiran: I am happily posting useful messages in many type of ways to many type of personalities... I am admin of

1.Tamilnadu Privare School Correspondents
2.Advocate Friends
3.அநீதிக்கு எதிரான போராளி
4.நல்ல நண்பர்கள்
5.தமிழ் உணர்வாளர்கள்
6.தமிழ் ஆன்மீகம்
7. திராவிடத் தமிழ்
8. இனிய நண்பர்கள்
9. Police Friends
10.Press Friends
and such other variety of groups. I am spending my free times to collect useful news items and share them with the suitable group of people..
By
Tamil Rajendiran
9789433344

மனைவியைப் பற்றி தனிமையில் இருக்கையில்தான் தெரியும். இதோ கவிஞர் வித்யாசாகரின் கவிதைகளும் அதற்குச் சான்று. இதை எல்லாருக்கும் பகிர்ந்து கொடுங்க. மனைவியைத் திட்டும் கணவர்களுக்கு இந்த வரிகள் பாடமா இருக்கட்டும்:

1
எத்தனை விளக்குகள்
எரியுமிந்த வீட்டில்
நீ மட்டுமில்லை;

வீடு இருண்டே
கிடக்கிறது..
———————————–

2
தண்ணீர் தா
என்கிறேன்

துண்டெங்கே எனக்
கத்துகிறேன்

தூளியில்
குழந்தை அழுகிறது பாரென்கிறேன்

நிசத்தில் ஒன்றுமே
நடக்கவில்லை,

ஆம் –

நீயில்லாத வீட்டில்
எனக்கென ஒன்றுமே நடப்பதில்லை..
———————————–

3
தனிமை சுகம்
தியானம் பெரிது
உடற்பயிற்சி நன்று
விளையாட்டு அலாதி
எனைவிட்டுப் போ என்றெல்லாம்’ வக்கனையாக
பேசமுடிகிறது
நீ என்னோடிருக்கையில் மட்டும்!!
———————————–

4
போனால்
திரும்பி வராது உயிர் என்பார்கள்
அர்த்தம் புரிந்ததேயில்லை;

நீ ஊருக்கு போய்
நாளொரு நாள்தான் ஆகிறது
உயிர் போனதாகவே உணர்கிறேன்!!
———————————–

5
உள்ளே வரும்போதே
குழந்தையெங்கே என்பேன்
வாசலில் நீ நிற்பாய்;

உள்ளே வரும்போதே
அம்மா சாப்பிட்டாங்களா என்பேன்,
சாப்பிடாமல் நீயிருப்பாய்,

உள்ளே வரும்போதே
அசதியா என்பாய்,
அமைதியாய் இரு போதுமென்பேன்;

இன்று உள்ளே வரும்போதே
நீயிருக்கிறாயா என்றுப் பார்க்கிறேன்

ஒரேயொருமுறை –
நீ நலமா என்றுக் கேட்டுவைக்க…
———————————–
வித்யாசாகர்
www.vithyasagar.com


சிங்கள ராணுவத்தின் "ரத்தம் தான் தற்போது தமிழ் மக்களிடம் ஓடுகிறதாம்" ஒரு அன்னாடம் காட்சி, சிங்களம் போடும் எலும்புத்துண்டுக்கு அலையும் "பரபரப்பு ரிஷி" என்னும் நபர் ஐ.பி.சி TV இல் இவ்வாறு கூறி ஒரு நிகழ்ச்சியை எடுத்துள்ளார். இதனை ஐ.பி.சி TV ஒலிபரப்பியும் உள்ளது. சில சிங்கள ராணுவத்தினர் ரத்தம் கொடுக்கும் காட்சியை படமாக்கி, அதற்கு Background Music கும் போட்டு, இந்த தேசத்துரோகி புரோகிராம் எடுத்துள்ளான். பிரான்சில் உள்ள தமிழர்கள் அதிலும் குறிப்பாக உணர்ச்சியுள்ள தமிழ் இளைஞர்கள், ஐ.பி.சி ஊடகத்திற்கு எதிராக பெரும் போர் கொடி தூக்கியுள்ளார்கள்.

எமது தேசிய விடுதலைப் போராட்டத்தை இழிவுபடுத்திய நபர்களை வைத்துக்கொண்டு போலியான தேசியம் பேசி மக்கள் மத்தியில் பணம் பறிக்க முயலும் ஐ.பி.சி TVஐ மக்கள் புறக்கணிக்கவேண்டும் என்று பிரான்ஸ் தமிழர்கள் கோரிக்கை விடுத்துள்ளார்கள்.
*********
LEBARA மற்றும் IBC TAMIL ஐ புறக்கணிப்போம் !!
*********
எம்மை கொன்று குவித்த சிங்கள இராணுவத்துடன் மாமா தொழில் செய்யும் IBC TAMIL கொண்டாட்டம்.. சிங்களவனின் மூத்தி... குடிக்கும் நாய்கள் தான் இந்த Lebara கூட்டம்..
துரோக கும்பல் Lebara வை அடியோடு கருவறுக்க வேண்டும் மக்களே எமது போராட்ட்ங்களை நசுக்கும் முயற்சியில் இப்படியான ஊடகங்கள் செயல்படுகிறது.. இவர்களை ஒன்றும் செய்யாமல் விட்டால் நாங்களும் துரோகிகளே..
தமிழர்களை கொத்துக் கொத்தாக கொன்று குவித்த சிங்கள ராணுவத்தின் குகைக்குள் சென்று, அவர்களை நலம் விசாரிப்பதும். அவர்கள் ரத்தம் கொடுத்தார்கள், தமிழர்களை காக்க உயிர் கொடுத்தார்கள் என்று பேட்டி எடுத்து வெளியிடுவதும் ஐ.பி.சி தொலைக்காட்சியின் நிகழ்ச்சி ஆகிவிட்டது.

Powered by Blogger.