Halloween party ideas 2015

செத்தமாட்டை தூக்கமாட்டோம், மலக்குழியில் இறங்கமாட்டோம்

மானத்தோடு வாழ்வதற்கு அய்ந்து ஏக்கர் நிலம் வழங்கு! என மாமன்னர் ஒண்டிவீரன் நினைவிடத்தில் மலர்வளையம் வைத்து நிறுவனர் அதியமான் எழுச்சியுரை.

""""""""""""""""""""

ஆகத்து.20 காலை 11.30 மணியளவில் ஆதித்தமிழர் பேரவை நிறுவனர் அய்யா அதியமான் அவர்கள் பேரவை தோழர்களுடம் சுமார் 50.க்கும் மேற்பட்ட வாகன அணிவகுப்பில் சென்று ஒண்டிவீரன் நினைவிடத்தில் மலர்வளையம் வைத்து வீரவணக்க உறையாற்றினார்.

அதில் மத்திய மோடி அரசின் புதிய குலக்கல்வி கொள்கைக்கு எதிராகவும், சமக்கிருத திணிப்பை எதிர்த்தும், பசுப்பாதுகாப்பு இயக்கம் என்ற பெயரில் செயல்படும் இந்து பாசிச அமைப்புகள் மீது நடவடிக்கை எடுக்காமல் மோடி அரசு வேடிக்கை பார்ப்பது அவமானத்துக்குறியது என்று மத்திய அரசுக்கு எதிராக தனது கண்டனத்தை பதிவு செய்வதோடு

முதல் இந்திய விடுதலை வீரர் ஒண்டிவீரன் நினைவு நாளை போற்றுவதற்கு தமிழக அரசு 144 தடை உத்தரவு போட்டு மக்களை நெருக்கடிக்கு உள்ளாக்குவது, மக்கள் விரோதப்போக்கையே காட்டுகிறது. அது மட்டுமல்லாது தோழர்கள் வந்த வாகனங்களை வழிமறித்து பரிசோதனை என்ற பெயரில் பல்வேறு வாகனங்களை திருப்பி அனுப்பி தனது வீரத்தைக் காட்டியுள்ளது காவல்துறை இந்த சம்பவங்களை நினைத்து ஆளும் அரசுதான் வெட்க்கப்பட வேண்டும், நடந்து முடிந்த சட்டப்பேரவை தேர்தலில் 1 சதம் வாக்கு வித்தியாசத்தில்தான் வெற்றி பெற்றது அந்த ஒரு சதம் வாக்குகள் அருந்ததியர்கள் அளித்தது, அதை மாற்றி அமைத்தால் அதிமுக ஆட்சி நிலைக்காது என்பதை இந்த கூட்டத்தின் வாயிலாக தமிழக அரசிற்கு தெரியபடுத்திக் கொள்ள விரும்புகிறேன், இதை எல்லாம் சாதிக்க அறிவுப்பூர்வமாக பகுத்தறிவோடு இளைஞர்கள் முன்வர வேண்டும் , அதைவிடுத்து பால் அபிசேகம் செய்வ முளப்பாரி எடுப்பது, செருப்பை கையில் எடுத்து செல்வது, போன்ற செயல்கள் மாவீரனை கடவுள் ஆக்கும் பார்ப்பனிய செயல் எனவே நெல்லையில் அமைந்துள்ள மணிமண்டபத்தினுள் வைக்கப்படுள்ள குதிரையுடன் கூடிய மாமன்னர் ஒண்டிவீரன் சிலையை மண்டபத்துக்கு வெளியே வைக்க தொடர் போராட்டங்கள் எடுக்க வேண்டும், மணிமண்டபத்திற்குள்ளும் சிலை கைக்க ஏற்பாடு செய்ய வேண்டும் என்று பேசினார், உடன் பொதுச்செயலாளர் உட்பட பேரவை நிவாகிகள் ஆயிரத்திற்கு மேற்பட்டோர் கலந்து கொண்டனர்.

_________________

செய்தி தொகுப்பின் சுருக்கம்

பொதுச்செயலாளர்.

நாகராசன்.

20.8.2016.


அய்யா அவர்களின் உரையை காண சொடுக்கவும்



என்றும் சாதி ஒழிப்புப் பணியில் 
ஆதித்தமிழர் பேரவை, தமிழ்நாடு

வலைத்தளம்: www.aathithamizharperavai.com
வலைப்பூ: www.atptamilnadu.blogspot.com
முகநூல் பக்கம்: https://www.facebook.com/aathithamizhar.peravai

அன்பான உறவுகளே

சிட்னியின் தமிழ் மூத்தோர் அமைப்பு ஒன்றின் வெள்ளி விழா நிகழ்வுக்கு ஒஸ்ரேலியாவிற்கான சிறிலங்கா தூதுவரை வரவேற்று, கௌரவிக்கும் நிகழ்வு ஒன்று ஒழுங்கு செய்யப்பட்டுள்ளமையை அறிந்து, கவலையும் அதிர்ச்சியும் அடைகின்றோம்.

குறித்த அமைப்பைச் சார்ந்த சிலரின் தனிப்பட்ட நலன்களுக்காக, அரங்கேற்றப்படும் இத்தகைய நடவடிக்கைகள், எமது தாயக உறவுகளின் அரசியல் செயற்பாடுகளுக்கும், மறுக்கப்பட்ட நீதியை பெற்றுக்கொள்வதற்கான நடவடிக்கைகளுக்கும், பெரும் தடையாகவே அமையும்.

இத்தகையை நிகழ்வை புறக்கணிப்பதுடன், அதற்கான எதிர்ப்புக்குரலாக இணைந்துகொள்ளுமாறு அனைவரையும் உரிமையுடன் கேட்டுக்கொள்கின்றோம்.

குறிப்பு - இத்துடன் சிட்னி தமிழ் மக்கள் சார்பில் வெளியான துண்டுப்பிரசுரத்தின் தமிழ் ஆங்கில பிரதிகள் இணைக்கப்பட்டுள்ளன.

இவ்வண்ணம்

தமிழர் ஒருங்கிணைப்புக்குழு – ஒஸ்ரேலியா

தமிழ் இளையோர் அமைப்பு – ஒஸ்ரேலியா

நாடுகடந்த தமிழீழ அரசு பிரதிநிதிகள் - ஒஸ்ரேலியா




இராமன் புலாலுண்டவனே – வால்மீகி இராமாயணம்

- டாக்டர் இராதாசியாம் பிரம்மச்சாரி (Dr. Radhasyam Brahmachari,), கொல்கத்தா பல்கலைக் கழகத்தில் இயற்பியல்துறைப் பேராசிரியர்.

- மொழிபெயர்ப்பு: முத்து.செல்வன், பெங்களூரு

இந்தக் கட்டுரை hindtodaynews இணையதளத்தில் :4/18/2008 அன்று பதியப்பட்டது.. இந்தக் கட்டுரையில் காணப்படும் செய்திகள் பண்டித இ.மு.சுப்ரமணியப்பிளை அவர்களுடைய இராமயண ஆராய்ச்சி நூற்தொகுப்பிலும் உள்ளன.  இந்தத் தொகுப்பின் கட்டுரைத் தொடர் விடுதலையில் தொடர்ந்துவருவதையும் அறிவீர்கள். பண்டித இ.மு.சுப்ரமணியப்பிள்ளை – குடி அரசு இதழில் 1929 முதல் சந்திரசேகரப்பாவலர் என்ற பெயரில் ‘இதிகாசங்கள்’ என்னும் தலைப்பில் எழுதப் பெற்று வெளிவந்த இராமாயண ஆராய்ச்சிக் கட்டுரைகளைத் தொகுத்தது; பெரியார் சுயமரியாதைப் பிரசார நிறுவன வெளியீடு, ஆறாம் பதிப்பு பிப்ரவரி 2003)
இருப்பினும் ஒரே பதிப்பில் செய்திகளைத் தொகுத்துக் கொடுப்பதற்காக இந்தக் கட்டுரை பயன்படுத்தப்பட்டுள்ளது. மேலும் நாம் கூரினால் இந்தப் பெரியாரியலார்க்குப் புளுகுவதே வேலை என்று பொய்யுரைத்துப் புறந்தள்ளவே முனைவார்கள். அதனால்தான்  வங்காளப் பேராசிரியர் ஒருவர் தாரகாந்த் காவ்யதீர்த்தர் என்பவர் மொழிபெயர்த்த வால்மீகி இராமயண மேற்கோள்களைக் கொண்டு நிருவிய கட்டுரையை உங்கள் பார்வைக்கும் பகிர்தலுக்கும் முன்வைக்கின்றேன். மு.செ.
**
வேத காலம் புலால் உணவு பரவலாக இருந்த காலம் ஆகும். இந்த நாட்டு துறவிகள் (இருடிகள்) புலால் உணவை உட்கொண்டதை வேத நூல்கள் மூலம் அறியலாம். ஆனால் காலப்போக்கில் புலால் மறுத்தல் வட பகுதிகளில் வேரூன்றத் தொடங்கியது. இன்றுள்ள புலால் மறுப்பாளர்கள் இந்த உண்மையை ஏற்கத் தயங்குகிறார்கள். குறிப்பாக, இராமன், இலக்குவன், சீதை ஊனுணவை உண்டவர்கள் என்பதை ஏற்க மறுக்கிறார்கள். வால்மீகி இராமாயணத்திலிருந்து சில பகுதிகளைக் காட்டி அதனை நிறுவுவதே இந்தக் கட்டுரையின் நோக்கம்.

இராமன் இலக்குவனுடனும் சீதையுடனும் அயோத்தியைவிட்டுக்  காடேகினான் அல்லவா? அங்கு ஒரு காட்சியைப் பார்ப்போம்.: அயோத்தியா காண்டம் சருக்கம் 52, பாடல் 102

Tau tatra caturo mahāmṛgān varāham ṛ  śyaṃ mahārurum l
Ādāya medhyaṃ tvaritaṃ bubhukṣitau vāsāya kāle yayaturvanasparitam ll(Ayodhyā/52/102)  

உடன்பிறந்தோர் இருவரும் (இராமனும் இலக்குவனும்) வத்சயத் தேசத்தில் நுழைகின்றனர். மிகுந்த பசியுடனிருந்த அவர்கள், வராக, இரிசிய, பிரிசதா, மகாவுரு என்னும் பெயர்களுடைய நான்கு மான்களைக் வேட்டையாடி அவற்றின் தேர்ந்தெடுத்த ஊன் பகுதிகளை எடுத்துக்கொண்டு ஒரு மரத்தடிக்குச் சென்றனர். (tr. By Tarakanta Kavyatirtha, Vālmīki Rāmāyaṇa, P M Bagchi and Company, Calcutta-6, p-177).,

பின்னர், தொடர்ந்து காட்டு வழியே சென்றபோது, இராமனும் இலக்குவனும் யமுனையாற்றங்கரையில் பல விலங்குகளைக் கொன்று அவற்றின் புலாலை உண்டனர். (மேலது பக் 181)
Krośamātraṃ tato gatvā bhrātarau Rāmalakṣaṇau l
Vahun medhyān mṛgān hatvā ceturyamunāvane ll   (Ayodhyā/55/32) 

சித்திரக்கூட மலையை அடைந்த அவர்கள் வால்மீகியின் ஆசிரமத்தில்  சிலகாலம் தங்க முடிவெடுத்தனர். அவர்கள் தங்குவதற்காக ஒரு குடிசையைக் கட்டினர். அப்போது இலக்குவனிடம் இராமன், குடிசையினுள் புகுவதற்கு முன் “வாஸ்துயக்ஞ” செய்ய வேண்டுமென்றும் அதற்காகச் சில விலங்குகளைக் கொன்று வருமாறு கூறினான்..
Bhrāturvacanamājñāya Lakṣaṇaḥ paravīrahā l

Cakāra ca yathoktaṃ hi taṃ Rāmaḥ punaravrabīt ll
Aiṇeyaṃ śrapayasvaitacchālāṃ yakṣyāmahe vayam l 
Tvaba soumyamuhūrtoyaṃ dhruva śca divaso hyayam ll (Ayodhyā/56/24,25)

இலக்குவன் அண்ணனின் கட்டளையை நிறைவேற்றினான். அப்போது இராமன் அவனிடம், “ நீ வேட்டையாடிய மானை நன்றாக வேக வைத்துக் கொண்டு வா., அதனைப் படையலாக்கி இந்தக் குடிசையை வழிபடுவோம். இன்றைய நாள் துர்வ என்றழைக்கப்படும் நன்னாள் ஆகும். .இந்த நாளின் ஒவ்வொரு பொழுதும் தூயதே.” என்றான் (மேலது, பக்.182)

Sa Lakṣaṇaḥ kṛṣṇa mṛgaṃ hatvā medhyaṃ pratāpvān l
Atha cik  ṣep saumitriḥ samiddhe jātavedasi  ll
Taṃ tu pakvaṃ smājñāya niṣṭaptaṃ chinnaśoṇitam l
Lakṣaṇaḥ  puru ṣabyaghramatha rāghabamabrabīt ll(Ayodhyā/56/26,27)

இலக்குவன் ஒரு கருப்பு மானை வேட்டையாடி அதன் உடலத்தைக் கொண்டுவந்திருந்தான். இராமன் கூறியதற்கேற்ப அந்த மானின் உடலை நெருப்பில் வீசி வேக வைத்தான். அது நன்றாக வெந்து விட்டது என்பதை அறிந்து, “அண்ணா! நான் மானின் உடலை நன்றாக வேக வைத்து விட்டேன். வேள்விக்குரிய (யக்ஞம்) சடங்குகளைத் தாங்கள் அறிவீர்கள். அதனை நிறைவேற்றிடுங்கள்” என்று கூறினான். (மேலது, பக். 182-183)

அவ்வாறு வேக வைத்த மானின் புலாலை என்ன செய்திருப்பார்கள்? அதை வீசி எறிந்திருப்பார்களா? அதனை அவர்கள் உண்டிருப்பார்கள் என்பதே அறிவார்ந்த முடிவு.
அங்கிருந்து புறப்பட்டு மந்தாகினியாற்றங்கரையை அடைந்தனர். அந்தக் காட்சியை வால்மீகி இராமாயணம் கூறுகிறது.. எப்படி?
Taṃ tadā darśayitvā tu maithilī girinimnagām l 
Niṣasāda giriprasthe sītāṃ māṃsena chandayan ll 
Idaṃ medhyaṃ svādu niṣṭaptamidamagninā l
Evamānte sa dharmātmā sītayā saha rāghavaḥ ll  (Ayodhyā/96/1,2)

இராமன் முதலியோர் காடு, மலைகளைக் கடந்து மந்தாகினியாற்றங்கரையை அடைந்து ஓரிடத்தில் ஓய்வெடுக்கின்றனர். அப்போது, மிகுதியான அளவில் மான்கறி சமைக்கப்படுகிறது. சீதையை மகிழ்விக்கும் பொருட்டு இராமன் சீதையிடம், “இந்த உணவு மிகவும் சுவையாக உள்ளது. புதிதாக நெருப்பில் சுடப்பட்டது .என்பதால் தூய்மையானது” என்று கூறினான். அங்குச் சில காலம் இப்படியே தங்கி இருந்தனர், (மேலது, பக். 233)
இராமன் மான் புனைவில் இருந்த மாரீசனைக் கொன்றபோது, அவன்” ஓ! சீதா! ஓ! இலக்குமணா!” என்று கூவினான்.  அந்த நேரத்தில் இலக்குவனும் சீதையும் எந்த நிலையில் இருந்திருப்பர்கள் என்பது குறித்து இராமன் கவலை கொள்கிறான்.
Nihatya pṛṣataṃ cānya māṃsamādāya  rāghavaḥ l 
Tvaramāṇo janasthānaṃ sasārābhimukhaṃ tadā ll  (Araṇya/44/27)

கவலை கொண்ட அவன் மற்றொரு மானைக் கொன்று அதன் ஊனைத் தின்றுவிட்டு, அவர்கள் குடிசையை நோக்கிச் சென்றான். (மேலது, பக். 319)
முனிவன் புனைவில் இருந்த இராவணனுடன் உரையாடிய சீதை அவனிடம்,”என் கணவன் இராமன் விரைவில் பல வகையான பழங்களுடனும்  வேட்டையில் கொன்ற மான் கறியுடனும் (மாமிசம்) பன்றிக் கறியுடனும் (வராக மாமிசம்) உடும்புக் கறியுடனும் வருவான். சற்றே காத்திருங்கள். நீங்கள் அருள்கூர்ந்து உங்கள் பெயரையும் குலப்பிரிவையும் (கோத்திரம்) கூறிடுங்கள். அத்துடன் இந்தக் காட்டில் நீங்கள் எதற்காகத் திரிகிறீர்கள் என்பதையும் கூறிடுங்கள்” என்றாள்.(மேலது, பக். 323)
இதிலிருந்து இராமன் காட்டினுள் வேட்டையாடச் செல்வது வேட்டையில் கொன்ற விலங்குகளின் ஊனைத் தின்பதற்காகவே என்பது புலனாகின்றது.
சீதையை இராவணனிடமிருந்து மீட்கப் போராடிச் செத்துப் போன சடாயுவுக்கு இறுதிச் சடங்கு செய்வதற்காக காட்டிலிருந்த பல மான்களைக் கொன்று அவற்றின் கறியை கடவுள்களுக்குப் படைத்தான். (மேலது, பக்.362)

Rāma atha sahasaumitrirvanaṃ gatvā sa vīryavān l
Sthūlān hatvā mah āroh īnanutastāra taṃ dvijam ll (Araṇya/68/32)

இராமன் கபந்தன் என்னும் அரசனைக் (அரக்கனாம்) கொலை செய்தபோது இறப்பதற்கு முன்னர் கபந்தன், “இந்த இடத்தில் கட்டி வெண்ணெய்யைப் போலக் கொழுத்த பறவைகளைத் தின்னலாம். பம்பை ஆற்றில் உரோகித்த, சக்ரத்துண்ட, நலமீன் போன்ற மீன் வகைகளைக் காண்பாய். நீ உன்னுடைய வில்லை அம்பையும் பயன்படுத்தி அவற்றைக் கொல்வாய். இலக்குவன் அவற்றை நன்றாகக் கழுவி வறுத்து உனக்குப் பக்தியுடன் படைப்பான்” என்று கூறினான். (மேலது, பக் 358)

Ghṛtapiṇḍopamān sthūlāṃstān dvijān bhakṣ ayiṣyatha l 
Rohitān vkratuṇḍāśca nalamīnāṃśca rāghava ll 
Pampāyāmiṣubhirmatsyāṃstatra rāma rabān hatān l 
Nistavakyakṣāṇayastaptānkṛ śānaikakaṇṭakān ll 
Tava bhaktyā samāyukto Lakṣmaṇaḥ sampradāsyati l  (Araṇya/73/24,25,26)

இராமன் வாலியைக் கொன்றபோது, இறக்கும் முன் வாலி, “ ஓ! இராகவா! காண்டாமிருகம், உடும்பு, முயல், முள்ளம்பன்றி, ஆமை ஆகிய விலங்குகள் கூர்நகங்களையுடைய விலங்குகள். பார்ப்பனர்களும் சத்திரியர்களும் அவற்றின் ஊனைத் தின்ன ஏற்கப்பட்டிருக்கின்றது” என்று கூறினான். (மேலது, பக் 389).

Pañca pañcanakhā bhakṣyā brahmakṣatreṇa rāghava l 
śalyakaḥ śvābidho godhā śaśaḥ kurmaśca pañcamaḥ ll (Kiṣkindhā/17/39)

வால்மீகி இராமாயணத்தில் இது போன்றுள்ள வரிகளால், வனவாழ்க்கையின் போது காடுகளில் திரிந்த இராமன். இலக்குவன், சீதை ஆகியோர் விலங்குகளைக் கொன்று அவற்றின் ஊனைத் தின்பதை வழக்கமாகக் கொண்டிருந்தனர் என்பது மெய்ப்பிக்கப்பட்டுள்ளது இலங்கையை வென்ற பிறகு அசோகவனத்திற்குச் சென்ற இராமனுக்குக் காவலாளிகள் பல வகையான பழங்களையும் சமைத்த புலால் வகைகளையும் படைத்துள்ளனர். (மேலது, பக். 667)
******

கி.பி - 1891 இல் வெளிவந்த மனோன்மணீயம் நாடக நூலில் பேராசிரியர் சுந்தரம் பிள்ளை அவர்கள் எழுதிய #தமிழ்த்தாய்_வாழ்த்துப்பா,
=============================================================

நீராரும் கடலுடுத்த நிலமடந்தைக் கெழிலொழுகும்
சீராரும் வதனமெனத் திகழ்பரதக் கண்டமிதில்
தெக்கணமும் அதிற்சிறந்த திராவிடநல் திருநாடும்
தக்கசிறு பிறைநுதலும் தரித்தநறும் திலகமுமே!
அத்திலக வாசனைபோல் அனைத்துலகும் இன்பமுற
எத்திசையும் புகழ்மணக்க இருந்தபெரும் தமிழணங்கே!

பல்லுயிரும் பலவுலகும் படைத்தளித்துத் துடைக்கினுமோர்
எல்லையறு பரம்பொருள்முன் இருந்தபடி இருப்பதுபோல்
கன்னடமுங் களிதெலுங்கும் கவின்மலையாளமும் துளுவும்
உன்னுதரத் தேயுதித்தே ஒன்றுபல வாகிடினும்
ஆரியம்போல் உலகவழக்கழிந் தொழிந்து சிதையாவுன்
சீரிளமைத் திறம்வியந்து செயன்மறந்து வாழ்த்துதுமே!"

#மனோன்மணியம்_சுந்தரனார்.



இன்று விடுதலைப்புலிகளின் மகளிர் படையணி தொடங்கப்பட்டு சரியாக 31 ஆண்டுகள் நிறைவடைந்துவிட்டன. 1985 ஆவணி 18 இல் பெண்புலிகளின் முதலாவது பயிற்சிமுகாம் அதிகாரபூர்வமாகக் கொடியேற்றித் தொடங்கிவைக்கப்பட்டது. அன்றிலிருந்து இன்றுவரை பல்லாயிரம் பெண்கள் தம்மைப் போராட்டத்தில் இணைத்துக் கொண்டுள்ளதோடு வீரச்சாவடைந்துமுள்ளனர்.மன்னார் அடம்பனில் சிங்கள இராணுவத்தின் மீதான தாக்குதலோடு பெண்புலிகளின் தாக்குதல் வரலாறு தொடங்குகிறது. அன்றிலிருந்து தீச்சுவாலை வரை பெரும்பாலும் எல்லாக் களங்களிலும் பெண் புலிகளின் பங்களிப்பு நீக்கமற நிறைந்திருக்கிறது.

இந்திய இராணுவத்துடன் புலிகளுக்கு மோதல் ஏற்பட்டபோது பெண்புலிகளின் முதலாவது உயிர்ப்பலி நிகழ்ந்தது.கோப்பாய்க்கும் நாவற்குழிக்குமிடையில் நடந்த சண்டையில் லெப்.மாலதி வீரச்சாவடைந்தார்.அன்றிலிருந்து இன்றுவரை ஆயிரக்கணக்கான பெண் புலிகள் வீரச்சாவடைந்துள்ளனர்.

தமிழீழ விடுதலைப்புலிகள் மகளிர் பிரிவு விடுதலைப்புலிகளின் சகல வேலைத்திட்டங்களிலும் படையணிகளிலும் பெண்களும் இடம்பெற்றுள்ளனர். கடல் மற்றும் தரைக் கரும்புலிகளாகவும் பெண்புலிகள் பலர் வீரச்சாவடைந்துள்ளனர்.


ஈழம் ரஞ்சன்

தமிழ்ப் பாதுகாப்பு இயக்க செயற்பாட்டாளர் தொல்காப்பியன் திருமாவளவன் அவர்களுக்கு பிறந்தநாள் வேண்டுகோள்....

தங்களது 54ஆவது பிறந்த நாளில் தங்களை வாழ்த்தி மகிழும் கோடிக்கணக்கான தமிழர்களில் ஒருவனான

கரூர் தமிழ் இராஜேந்திரன் சமர்ப்பிக்கும் அன்பு வேண்டுகோள்...

2001ஆம் ஆண்டு கரூர் நகரில் நான் முன்னின்று நடத்திய ஹிந்துத்துவ எதிர்ப்பு மாநாட்டில் தமிழ்த் தேசிய பேரியக்க பெ.மணியரசன், கம்யூனிஸ்ட்  திருப்பூர் சுப்பராயன் , ஆகியோருடன் தங்களை கரூர் வரவழைத்து உரையாற்றச் செய்து மகிழ்ந்தவன் என்ற முறையிலும்,

2002 ஆம் ஆண்டு கரூரில் எனது முக்கிய பங்களிப்புடன் நடைபெற்ற
முதலாவது உலகத் தமிழ் வழிபாட்டு மாநாட்டில்

மதுரை, தருமபுரம், திருவாவடுதுறை, திருப்பனந்தாள், வடலூர், கோவை பேரூர், பழனி உள்ளிட்ட ஆதீனகர்த்தர்கள் உடன் தங்களை மேடை ஏற்றி , அவர்களால் உங்களுக்கு பொன்னாடை அணிவிக்கவைத்து, சரி சமமாக மேடையில் அமரவைத்து கண்டு மகிழ்ந்தவன் என்ற முறையிலும்,

தங்களுக்கு இனிய பிறந்தநாள் வாழ்த்துக்கள்  தெரிவிப்பதுடன்

பிறந்த நாள் வேண்டுகோளாக நான் தங்களை கேட்பது,

தங்கள் இயக்கத்து உறுப்பினர்கள், தாங்கள் சார்ந்துள்ள மக்கள் நல கூட்டணி தொண்டர்கள், மற்றும் பொதுமக்களிடம்

அவரவர் வீடுகளில் பிறக்கும் குழந்தைகள் யாவருக்கும் தமிழ்ப்பெயர் மட்டுமே சூட்டவேண்டும் என வலியுறுத்த தங்களை அன்புடன் வேண்டுகிறேன்...

எனது மகன் பெயர்

" அன்புத்தேன் "

என்பதையும் மகிழ்வுடன் தெரிவித்துக்கொள்கிறேன்....

என் மருமகள் " அன்பரசி "

எனது மைத்துனர்கள் பெயர்கள்

இராச ராச சோழன்,

பாண்டியன் நெடுஞ்செழியன்,

சேரன் செங்குட்டுவன்

பாரி வள்ளல்

ஆகும்.

உங்கள் நண்பனான

எனது கோரிக்கையை ஏற்று செயல்படுத்துவீர்கள் என நம்புகிறேன்....

வாழ்க ....வளர்க....

தமிழ்ப்பெயர் ஏற்புவிழா அழைப்பிதழ்
-----------------------------------------
தனித்தன்மை காட்டும் அழைப்பிதழ்கள் அரிதாக வந்தாலும்,
            அனைவருக்கும் வழிகாட்டும் சிறப்பை
            அவை பெற்றுவிடுவதுண்டு.
கோவை பூ.சா.கோ. சர்வசன மேல்நிலைப் பள்ளித் தமிழாசிரியர்
           திரு. செ. செல்வராசு -நா.சாமியாத்தாள் இணையர் ,
           தம் மகன் தமிழ்ப்பெயர் தாங்கும் தமிழனாய்த் திகழ விரும்பி
           'அறிவுமதி' என அரசிதழில் மாற்றி வழிகாட்டியுள்ளனர்.
அதற்காக அழைப்பிழ் அச்சிட்டு,விழா நிகழ்த்த முன்வந்துள்ளனர்.
           உணர்வுள்ள  தமிழர்கள் பின்பற்ற வேண்டிய
           எடுத்துக்காட்டாகியுள்ளன-இந்த விழாவும் அழைப்பிதழும்!

ஆடுவோமே, பள்ளு பாடுவோமே....

வெற்றி ...வெற்றி... ஏழை சொல் அம்பலம் ஏறி விட்டது....தமிழ்ச் செய்தி ஒலிபரப்பை தடைசெய்த முடிவை கை விட்டது ஹிந்திய அரசு....பொதுமக்கள் கடும் எதிர்ப்பு காரணமாக தமிழ் உட்பட்ட பிராந்திய மொழிச் செய்தி அறிக்கைகளை தடை செய்த உத்திரவு விலக்கிக்கொள்ளப் பட்டதாக இணயதளம் மூலம் அறிவிக்கப்பட்டுவிட்டது..
I&B Ministry put on hold decision to discontinue regional bulletins of AIR in seven cities

Information and Broadcasting Ministry has put on hold the decision to discontinue the regional bulletins of All India Radio in seven cities. The cities are Indore, Pune, Dibrugarh, Bhuj, Dharwad, Trichy and Kozhikhode. Sources said, the Ministry has asked senior officers to hold back the order in this regard. Ministry's instruction came following protests in the affected cities. The move was also opposed by several MPs and others. Earlier, the Ministry had ordered to discontinue the regional bulletins.

நேற்று முழுவதும் எனது கடும் எதிர்ப்பை பல இலட்சம் பேர் பார்க்கும்படியாக  Facebook, Twitter, ,Telegram, Hike, WhatsApp உட்பட்ட பல இடையதள செயலிகள் மூலம் பரப்புரை செய்து, கண்டன ஆர்ப்பாட்டம் மற்றும் முற்றுகை போராட்டங்கள் நடத்த வேண்டுகோள் விடுத்தேன்..பல தமிழ் உணர்வு தலைவர்களை அலைபேசி வழியாக தொடர்பு கொண்டு வலியுறுத்தினேன்...

தற்போதைய நல்ல முடிவு கண்டு மகிழ்கிறேன்....

தமிழ் இராஜேந்திரன்

வழக்கறிஞர்

கரூர்

9789433344

இதில் கண்டன அறிக்கை வெளியிட்ட

வைகோ, இராமதாசு ஆகியோருக்கு நன்றி மலர்கள் காணிக்கை....

பர்மாவில் இருபது இலட்சம் தமிழர்கள்-

பர்மாவில் இருபது இலட்சம் தமிழர்கள் வாழ்கிறோம் என உலகுக்கும், தமிழ் சமுதாயத்துக்கும் இதுநாள் வரை தெரியாமல் போனது ஏனோ?
மட்டுமின்றி, பர்மாவின் புகழ் உலகமெங்கும் கோடிகட்டி பறந்த காலமும் இருந்தது. ஏறத்தாழ 50 ஆண்டுகளுக்கு முன், உலக சமாதானமும் ஒற்றுமையும் ஒத்துழைப்பும் ஒங்கவேண்டும் என்பதற்காக ஐம்பெரும் தலைவர்கள் செயலாற்றினார். இந்திய உபகண்டத்தின் பண்டித நேரு, சீனத்து சூயேன்லாய் இவர்களுக்கு இணையாகப் பணியாற்றிய பர்மிய நாட்டு தலைவரும் ஒருவர். ஆசிய ஆபிரிக்க மாநாடு பாண்டாங் மாநாடு என 20 ஆம் நுற்றாண்டின் நடுப்பகுதியில் நடந்த வியக்கத்தக்க உலக சாமாதான செயல்பாடுகளாகும். 1975 இல் இயற்கை அடைந்த ஏந்தல் ஊத்தான் எனும் பெருமகன் உலக நடுகல் மன்றத்தின் பொதுச் செயலாளாராக இருந்து நெருக்கடியான காலக்கட்டங்களில் தன்னுடைய அறிவாற்றலைக் கொண்டு போரிலிருந்து உலகை மீட்டவர்களை குறிப்பிடத்தக்கவர் இவர் என்பதை உலகம் அறியும். இரண்டாம் உலக போரின் கொடூரம் ஆசியாவை உலுக்கி எடுத்ததை யாரும் இன்று வரை மறந்திருக்க முடியாது
  நமக்குள்ளே பழங்கதைகள் சொல்லிக் கொள்வதில் பயனில்லை என்பது எங்களுக்கு படுகிறது. அதன் வழியில் 50 ஆண்டுகள் பின்தள்ளப்பட்ட இடத்தில் தள்ளாடித் தள்ளாடி எங்கள் வலுவுடன் எழுந்து நிற்கின்றோம் முன்னேற்றம் காணவேண்டும் என்ற  உணர்வோடு கால்நூற்றண்டுகளுக்கு மேலாக பர்மிய நாட்டு தமிழர்கள் புத்துணர்வுபெற வேண்டும் என்பதற்காக கடும் நெருக்கடிக்கிடையிலும் கட்சி பேதங்கள் காட்டாது சமய வெறி கொள்ளாது தன்மான உணர்வுடன் சுயமரியாதை வாழ்வு பெற வேண்டும் என்பதற்காக முற்போக்காளர்கள் அணிதிரண்டு செயலற்றியதன் விளைவால் இன்று பல பிரிவில் தமிழுணர்வும் தன்மான எழுச்சியும் பெற்று வருவது குறிப்பிடதக்கதாக இருந்தாலும் முழு மன நிறைவு கொள்ள இயலாது தவிப்புடன் இருப்பதை காண முடிகிறது

        இப்படை தோற்கின் எப்படை வெல்லும் என்பது முற்போக்கு அணியினரின் நம்பிக்கை சுடராகும். 1962 ஆம் ஆண்டிற்குப்பின் பர்மா தமிழர் வெளி உலகில் இருந்து ஒதுங்கி விட்டனர் எனபத? ஒதுக்கி வைக்கபட்டு விட்டனர் என்பதா? எதுவும் விளங்க வில்லை இருப்பினும் உலகெங்கும் பறந்து வாழும் தமிழர்களுக்கு இணையாக இருக்க முடியாது போனாலும் பர்மாவில் தமிழர்கள் தமிழர்களாகவே கலை கலாச்சாரம் பண்பாடு குன்றாது வாழ்ந்து வருகின்றனர் பர்ம தமிழர்கள் கலை கலாச்சாரம் பண்பாடுகள் மாறாமல் வாழ்த்து வருகிறார்கள் என்று உலகமும் தமிழ் சமூகமும் அறிய வேண்டும். உலக மயமாக்கல் மத்தியிலும் இந்த சமுதாய சீரழிவுகள் மத்தியிலும் பர்மா தமிழர்கள் தமிழர்களாகவே வாழ்கிறோம் என்பதே நிதர்சனமான உண்மை
        இந்திய விடுதலைக்கு நேதாஜியின் தலைமையில் ஆயுதம்தாங்கிய போராட்டத்தில் உடல் பொருள் உயிர் அனைத்தையும் ஈந்து விடுதலைப் போராட்டத்தில் குழுப் பங்கு கொண்ட தியாகத்தின் சிகரங்களாக தமிழர்கள் இருந்தபடியால்தான் எனக்கு மறுபிறவி இருக்குமானால் அப் பிறவியில் நான் ஒரு தமிழனாக பிறக்கவேண்டுமென நேதாஜி கூறினார் என்றால் தமிழரின் விடுதலை வேட்கையும் நாட்டு பற்றும இனப்பாசம் இவைகளையும் குறைத்து மதிப்பீடு செய்து விட முடியாது இப்படி நேரு உரையில் குறி இருப்பதுடன் ஈழத்து இனப்படுகொலை நடைபெற்றதையும்
       தமிழ் உள்ளத்தோடு தொலை நோக்கிறோம் பர்மாவில் இருபது இலட்சம் தமிழர்கள் வாழ்கிறோம் என உலகுக்கும், தமிழ் சமுதாயத்துக்கும் இதுநாள் வரை தெரியாமல் போனது ஏனோ? மொரீசியஸ்,பிஜிதீவுகள், ஆபிரிக்க, ஐரோப்பா, சிங்கப்பூர், மலேசியா, இலங்கை, இந்தியா(தமிழ் நாடு) என தமிழர்கள்
     தத்தம் சிறப்புகளை அடையாளப்படுத்தும் பொழுது எங்களுக்கு (பர்மா தமிழர்கள்) சின்ன இடம் கூட கிடைக்க வில்லையே என்பது எங்கள் மனதை வாட்டி எடுக்கிறது.

      தமிழைப் பேசி தமிழை வளர்ப்போம் என்று பாட்டன் தமிழை வீட்டில் பேசுவோம் என முழங்கி வருவதுடன் கோவில்களிலும் தமிழ் போதிகப் பட முயற்சிகள் மேற்கொள்கிறோம் இத்தனை காரியங்கள் தொடர்ந்து செய்தாலும் எங்களை அடையாளம் காணப்படாது போய்கொண்டு இருப்பது ஊமைகள் பேசுவதாக பார்கிறார்கள் என்றோ தோன்றுகிறது ஊமைகள் பேசுவது ஒருநாள் உலகுக்கு கேட்கும் என்பதே உறுதி..!!!
நன்றி http://malar2009.blogspot.com/2010/06/myanmar.html
மியான்மார்-தமிழ்-சங்கம் https://www.facebook.com/pages/Myanmar-Tamil-Sangam-மியான்மார்-தமிழ்-சங்கம்-/143156799041739
https://www.facebook.com/media/set/?set=a.10150185852112473.307876.141482842472
பர்மா தமிழர்கள் (மியான்மர் தமிழர்கள்)
ஆயிரம் வருடத்துக்கும் முற்பட்டது பர்மாவுக்கும்  தமிழ்நாட்டுக்கும்
உள்ள  உறவு. ராஜராஜ சோழனின் புதல்வர் ராஜேந்திர சோழனின்
காலத்தில் பர்மா சோழ நாட்டின் ஆளுகைக்கு உட்பட்டு இருந்தது.
பர்மாவில் ராஜேந்திர சோழனின் கல்வெட்டுகள் இரண்டு
கண்டுபிடிக்கப்பட்டுள்ளன.
அது அந்தக்காலத்து நிலை.  பின்னர் ஏகப்பட்ட படையெடுப்புகள்.
சீனத்தின் ஆதிக்கத்திலும், மங்கோலியரின் பிடியிலும்  சிக்கி
கடைசியாக ஆங்கிலேயரின் ஆட்சியில் “பிரிட்டிஷ் இந்தியா”
வின்  ஒரு பகுதி ஆயிற்று.
இரண்டாம் உலகப்போரின்போது  ஜப்பானியருக்கும், ஆங்கிலேயருக்கும்
இடைப்பட்ட  முக்கிய போர்க்களமாக ஆனது பர்மா.
போருக்குப்பின்  பிரிட்டிஷ் அரசிடமிருந்து
விடுதலை பெற்ற பர்மா,  நீண்ட காலமாக மாறி மாறி
ராணுவ ஆட்சியின் கீழேயே உள்ளது.மியான்மர்  எனப் பெயர்
மாற்றமும் செய்துகொண்டது பர்மா.
சுமார் 5 கோடி மக்கள் தொகை கொண்ட  மியான்மரில்
10 லட்சம் இந்திய  வம்சாவளியினர் உள்ளனர்.இவர்களில்
ஏறத்தாழ  70 சதவீதம் பேர்  தமிழர்கள். இவர்கள்  அனைவரும்
பிரிட்டிஷ் ஆட்சியில் தமிழ் நாட்டிலிருந்து விவசாய வேலைக்காகவும்,
வியாபாரம் செய்யவும்  சென்றவர்கள்.
உள்ளூர் மக்களாலும்,  அரசை ஆட்சி செய்பவர்களாலும்,
வெறுத்து அடக்கி ஆளப்படுகிறார்கள் இங்குள்ள தமிழ் மக்கள்.
மிகப்பெரிய எண்ணிக்கையிலான தமிழர்கள்  1960 களில்
தமிழ் நாட்டிற்கே  திரும்ப வந்து விட்டனர்.( விரட்டி
அடிக்கப்பட்டனர் என்றும்  சொல்லலாம்). இன்று அங்கு மிச்சம்
இருப்பவர்கள்  கிட்டத்தட்ட  தமிழ் நாட்டின் தொடர்பின்றியே
இருக்கிறார்கள்.
மகிழ்ச்சி கொள்ளத்தக்கதாக இல்லை இவர்களின் நிலை.
பர்மா  நாட்டை நினைவுறுத்தும்  சில  காட்சிகள் -
பர்மா தமிழர்கள் எப்படி இருக்கிறார்கள்? 1963 ஆம் ஆண்டு."கப்பலை விடுங்கள். கண்ணீரைத் துடையுங்கள்' என்று பர்மா தூதுவரகத்தின் முன்பு முழக்கமிட்டார்கள் பர்மா தமிழர்கள். அதற்குப் பிறகு கப்பல் விட்டார்கள். ச
பர்மா தமிழர்கள் எப்படி இருக்கிறார்கள்?
1963 ஆம் ஆண்டு."கப்பலை விடுங்கள். கண்ணீரைத் துடையுங்கள்' என்று பர்மா தூதுவரகத்தின் முன்பு முழக்கமிட்டார்கள் பர்மா தமிழர்கள்.
அதற்குப் பிறகு கப்பல் விட்டார்கள். சென்னைக்கு வந்திறங்கினார்கள் பர்மா தமிழர்கள்.
சொந்தத் தொழிலும் ஊரில் பூர்வீக வீடும் உள்ள சிலர் தப்பித்தார்கள். சொந்த ஊரில் சேர்ந்து கொண்டனர். பல தலைமுறைகளாக அங்கேயே பிறந்து வாழ்ந்து வந்தவர்களுக்குப் பல்வேறு முகாம்கள் ஏற்படுத்தப்பட்டன.
இன்று சென்னையிலும், அதைச் சுற்றியுள்ள பகுதிகளிலும் ஆயிரக்கணக்கான பர்மா தமிழர்கள் வாழ்கின்றனர். சென்னை வியாசர்பாடி, தண்டையார்பேட்டை, எண்ணூர், செங்குன்றம் பகுதிகளில் அதிகமாக வாழ்கிறார்கள். வணிகத்தில் ஈடுபட்டவர்களுக்காக சென்னைத் துறைமுகத்தையொட்டிய பகுதியில் இடம் ஒதுக்கப்பட்டு, இன்று "பர்மா பஜார் ' எனப் பிரபலமாக இயங்குகிறது.
ஆனால் பர்மாவில் இருந்து திரும்பியவர்கள் அங்கு வாழ்ந்த வாழ்க்கையை நினைத்துப் பெருமூச்சுவிடாமல் இல்லை.
இவர்களின்- இவர்களுடைய முன்னோர்களின் - சொந்த ஊர் எது? பர்மாவிலிருந்து வந்து சென்னையில் தங்கியது ஏன்? எப்படி?
84 வயதாகும் ரெங்கசாமி ஒரு பர்மா தமிழர். இளைஞராக இருந்தபோது நேதாஜியின் "இந்திய சுதந்திர லீக்' என்ற அமைப்பில் தீவிரமாகச் செயல்பட்டவர். இப்போது சென்னை அண்ணாநகரில் "நேதாஜி வணிக வளாகத்தை' ஏற்படுத்தி அதன் தலைவராக இருக்கிறார். வீடு மகாகவி பாரதி நகரில் இருக்கிறது.
""நான் பிறந்து வளர்ந்ததெல்லாம் பர்மாவில் ரங்கூனுக்கு அருகில் உள்ள சிறிய ஊரில்தான். என்னுடைய அப்பாவுக்குச் சொந்த ஊர் ராமநாதபுரம் மாவட்டம் தேவகோட்டைக்கு அருகில் உள்ள திருவாடனை. அப்பா பர்மாவில் வியாபாரம் செய்து வந்தார். என்னுடைய 16 வயதில் நேதாஜியின் இந்திய சுதந்திர லீக் அமைப்பில் சேர்ந்து செயல்பட்டேன். நேதாஜி என்றவுடனேயே அவருடைய இந்திய தேசியப் படைதான் எல்லாருடைய நினைவுக்கும் வரும். நான் இருந்தது அவருடைய அரசியல் இயக்கம். அந்த இயக்கத்துக்காக பிரசாரம் செய்வது, நிதி வசூல் செய்வது எனத் தீவிரமாகச் செயல்பட்டேன்.
அதன் பிறகு திரைப்பட விநியோகத் தொழில் செய்து வந்தேன்.
1950 ஆம் ஆண்டுகளில் நிறைய இந்தியர்கள், குறிப்பாக தமிழர்கள் பர்மாவின் அரசுப் பணிகளில் அதிகம் இருந்தார்கள். பர்மா ரயில்வே, நீர்வழிப் போக்குவரத்துத்துறை, சுங்கத்துறை, தபால், தந்தி, பொதுப் பணித்துறை போன்றவற்றில் அதிக அளவில் வேலை செய்தார்கள். இதற்குக் காரணம் இந்தியாவும், பர்மாவும் ஆங்கிலேயர் ஆட்சியின் கீழ் இருந்த பகுதிகளாக இருந்தன. அதனால் தமிழகப் பகுதிகளில் வேலை செய்த அரசு ஊழியர்களைப் பணியிட மாற்றம் செய்து ரங்கூன், மாத்தளை போன்ற பகுதிகளுக்கு அனுப்பினார்கள். பர்மா சுதந்திரம் பெறப் போராடியபோதே, பர்மியர் அல்லாதவர்கள் மீது வெறுப்பு ஊட்டப்பட்டது. அதன் பின்பு தமிழர்களை நீக்கிவிட்டு, பர்மாவைச் சேர்ந்தவர்களை அந்த இடங்களில் நிரப்பினார்கள். 1962 - ஆம் ஆண்டுக்குப் பிறகு பர்மாவில் தமிழர்கள் வாழ முடியாத நிலை ஏற்பட்டது. ஜெனரல் நி வின் என்பவரின் ராணுவ ஆட்சி அப்போது நடந்தது.
இந்திய குடிமகன்கள் அங்கே தொழில் செய்யக் கூடாது என்றார்கள். சிறுவியாபாரம் செய்யக் கூட அனுமதிக்கவில்லை. அதற்கு முன்பு தமிழர்களுக்குக் கிடைத்து வந்த சலுகைகள் எல்லாம் நிறுத்தப்பட்டன. பர்மிய மொழியில் மட்டுமே கல்வி என்று கொண்டு வந்தார்கள். இந்திய குடிமகன்களுக்கு என்று தனி வரியெல்லாம் விதித்தார்கள். சொத்துகளைப் பறிமுதல் செய்தார்கள். அரசுடைமை ஆக்கினார்கள். ஆயிரம் ரூபாய், ஐந்நூறு ரூபாய் நோட்டுகள் எல்லாம் செல்லாது என்று அறிவித்தார்கள். அவர்கள் அங்கே சம்பாதித்ததை இந்தியாவுக்கு எடுத்து வர தடை செய்தார்கள். பெண்களின் கழுத்தில் தொங்கும் தாலியைக் கூட அவர்கள் அனுமதிக்கவில்லை. இதனால் அங்கே தமிழர்கள் வாழ முடியாத நிலை ஏற்பட்டது.
எனவே பர்மா தமிழர்கள் தமிழ்நாட்டுக்குத் திரும்பி வந்தார்கள்.
திரும்பி வந்தவர்கள் அவர்களுடைய சொந்த ஊருக்குப் போகலாம் என்று நினைத்தார்கள். ஆனால் சொந்த ஊரிலுள்ள உறவினர்களுடனான தொடர்புகள் விட்டுப் போயிருந்தன. அதுமட்டுமல்ல, அவர்களுடைய முன்னோர்கள் விட்டுச் சென்ற சொத்துகளை ஊரிலிருந்த உறவினர்கள் அனுபவித்துக் கொண்டிருந்தனர். பர்மாவிலிருந்து வந்தவர்களை வரவேற்றால் எங்கே சொத்துக்களில் பங்கு கேட்டு விடுவார்களோ என்று ஊரிலிருந்தவர்கள் பயந்தார்கள்.
இதனால் பர்மாவிலிருந்து தமிழ்நாட்டுக்கு வந்த தமிழர்கள் சொந்த ஊரின்றி, கால் வைக்க இடமின்றி நின்றார்கள்.
அப்போது அரசாங்கம் பர்மா தமிழர்கள் வாழ்வதற்கான பல சலுகைகளைச் செய்து தந்தது. கும்மிடிப்பூண்டி, சோழவரம், எண்ணூர், செங்குன்றம் பகுதிகளில் பர்மா தமிழர்களுக்கான முகாம்கள் அமைக்கப்பட்டன. சென்னை பீச் ரயில்வே நிலையத்துக்கு அருகில் பிளாட்பாரத்தில் உட்கார்ந்து பர்மா தமிழர்கள் வியாபாரம் செய்ய அண்ணாதுரை காலத்தில் அனுமதி வழங்கப்பட்டது. கப்பலில் வரக் கூடிய பொருட்களை வாங்கி, பர்மா தமிழர்கள் விற்றார்கள். இப்போதுள்ள பர்மா பஜார் அப்படித்தான் உருவானது.
நான் கொத்தவால் சாவடியில் "சிவசக்தி தேங்காய் மண்டி' என்ற பெயரில் கடை வைத்து நடத்தினேன். எனக்குக் கொஞ்சம் இரக்க சுபாவம். நிறைய கடன் கொடுத்ததால் நஷ்டம் ஏற்பட்டது. கடையை மூடிவிட்டேன்.
அதுவுமில்லாமல் எனக்குப் பொதுப் பணிகளில் ஆர்வம் அதிகம். எனவே "பர்மா தமிழர்கள் நல உரிமைச் சங்கம்' என்ற சங்கத்தை ஆரம்பித்தேன். தொடர்ந்து பொதுப் பணிகளில் ஈடுபட்டு வருகிறேன்'' என்கிறார்.
ஐ.வியாகுலம் ஒரு பர்மா தமிழர். சென்னை திருவொற்றியூரில் உள்ள என்ஃபீல்டு தொழிற்சாலையில் வேலை செய்கிறார். வீடு மகாகவி பாரதி நகரில் இருக்கிறது. அவரிடம் பேசினோம்.
""எங்களுடைய குடும்பம் பர்மாவிலிருந்து தமிழ்நாட்டுக்கு வந்தபோது தஞ்சாவூர் முகாமில் தங்க வைக்கப்பட்டோம். ஒரு மாதம் அந்த முகாமில் இருந்தோம். எத்தனை நாள் முகாமில் இருக்க முடியும்? சென்னைக்கு வந்தோம்.
பிழைக்க வழியில்லாமல் திணறிக் கொண்டிருந்தோம்.
இப்போது பக்தவத்சலம் நகர், சாஸ்திரி நகர் இருக்கும் இடங்களில் அப்போது ஒரு பெரிய ஏரி இருந்தது. வியாசர்பாடியில் அப்போது இத்தாலி நாட்டைச் சேர்ந்த மந்தொவானி என்ற கிறிஸ்தவப் பாதிரியார் இருந்தார். அவர்தான் ஏரியின் மேட்டுப் பகுதிகளில் வீடுகட்டச் சொல்லி, சாஸ்திரி நகர், பக்தவத்சலம் நகர் காலனிகளை உருவாக்கினார். பர்மா தமிழர்களின் பிள்ளைகள் படிப்பதற்கு நிறைய உதவிகள் செய்தார். இலவசக் கல்வி தரும் பள்ளிகளில் படிக்க ஏற்பாடு செய்தார். ஹாஸ்டலில் இலவச உணவுக்கும் ஏற்பாடு செய்தார். உணவு என்றால் பால், சிக்கன் எல்லாம் உள்ள உணவு. மத வேறுபாடு பார்க்காமல் எல்லா மதத்தைச் சேர்ந்த பர்மா தமிழர்களுக்கும் உதவி செய்தார். நிறையப் பேரை படிக்க வைத்தார். பர்மா தமிழர்களுக்கு வீடு கட்ட வீட்டுக் கடன் வாங்கித் தந்தார்.
படித்த பர்மா தமிழ் இளைஞர்களுக்கு வேலை வாய்ப்பில் முன்னுரிமை கொடுத்தது அரசு. ஃபாதர் மந்தொவானியின் உதவியால் படித்த பல இளைஞர்களுக்கு அரசு வேலை கிடைத்தது. எனக்குக் கூட பொதுப்பணித்துறையில் ஜூனியர் அஸிஸ்டென்ட் வேலை கிடைத்தது. நான் அந்த வேலையை விட்டுவிட்டு தொழிற்சாலையில் வேலைக்குச் சேர்ந்தேன்'' நன்றியுடன் சொல்கிறார் வியாகுலம்.
""ஃபாதர் மந்தொவானிக்குப் பிறகு சலூஸ் என்ற ஃபாதர் வந்தார். அவரும் நிறைய உதவிகளைப் பர்மா தமிழர்களுக்குச் செய்தார்.
1965 முதல் 1975 வரை அரசின் சலுகைகள் எங்களுக்குக் கிடைத்து வந்தன. ஆனால் இப்போது இல்லை.
இங்குள்ள பர்மா தமிழர்களுக்கு உறவினர்கள் பர்மாவில் இருந்தாலும் பெண் கொடுப்பது, பெண் எடுப்பது இப்போது அநேகமாக இல்லை. காரணம், இவ்வாறு திருமணம் செய்வதில் நிறையச் சட்டச் சிக்கல்கள் உள்ளன.
1973 வரை பர்மாவிலிருந்து தமிழர்கள் இங்கே வந்தார்கள். அதற்குப் பின்பு யாரும் வரவில்லை. பர்மாவிலேயே தங்கிவிட்டார்கள். பர்மாவிலுள்ள பெரும்பாலான தமிழர்கள் விவசாயம்தான் செய்கிறார்கள். இங்குள்ள பர்மா தமிழர்கள், பர்மா பஜாரில் வியாபாரம் செய்கிறார்கள். என்னைப் போல தொழிற்சாலைகளில் வேலை செய்கிறார்கள். அலுவலங்கங்களில் வேலை செய்கிறார்கள்'' என்கிறார் வியாகுலம்.
""பர்மா பஜாரில் முன்பைப் போல் இப்போது வியாபாரம் பிரமாதமாக இல்லை'' என்கிறார் பி.மார்க்கஸ் வருத்தத்துடன். அவர் பர்மா பஜார் வியாபாரி.
""முதலில் வெளிநாட்டுப் பொருட்களை வாங்க வேண்டுமென்றால் பர்மா பஜாருக்குத்தான் வர வேண்டும். ஆனால் இப்போது எல்லாக் கடைகளிலும் வெளிநாட்டுப் பொருட்கள் கிடைக்கின்றன. அதனால் பர்மா பஜாரில் கடை வைத்திருக்கும் தமிழர்களின் பிழைப்பு கேள்விக்குறியாகி இருக்கிறது.
நான் பர்மா பஜாரில் 28 வருடங்களாக வியாபாரம் செய்து வருகிறேன். முதலில் எல்லாம் கப்பலில் இருந்து வருகிற பொருட்களை விற்று வந்தோம். சிங்கப்பூரிலிருந்து வருபவர்கள் எங்களிடம் தரும் பொருட்களை விற்றுக் கொண்டிருந்தோம். அப்போதும் சரி, இப்போதும் சரி நிறைய எலக்ட்ரானிக் பொருட்கள்தாம் பர்மா பஜாரில் அதிகமாக விற்பனையாகும். ஹோம் தியேட்டர், கீ போர்டு, கால்குலேட்டர், வீடியோ புரஜெக்டர், கேமரா போன்றவைதாம் அதிகமாக விற்பனையாகும். இப்போது எல்சிடி டிவி அதிக அளவில் விற்பனையாகிறது.
வியாபாரம் குறைந்ததற்கு இதுமட்டும் காரணமல்ல. பர்மா பஜாரில் உள்ள ஒரு சில புரோக்கர்கள் செய்யும் தவறுகளால் எங்களுடைய வியாபாரத்தின் நம்பகத்தன்மையில் சிறிய அளவில் பாதிப்பு ஏற்பட்டிருக்கிறது. அதனால் மக்கள் வேறு கடைகளில் பொருட்களை அதிக அளவில் வாங்குகிறார்கள்.
பர்மாவிலிருந்து நாங்கள் இங்கு வந்த புதிதில் அரசாங்கம் எங்களுக்குப் பல உதவிகள் செய்து தந்தது. இப்போது எங்களை யாரும் கவனிப்பதில்லை. பத்து வருடங்களுக்கு முந்தைய வியாபாரம் இப்போது இல்லை. இப்போது பர்மா ஜனங்கள் கஷ்டப்படும் நிலைக்கு வந்துவிட்டார்கள்'' - கவலையுடன் சொல்கிறார் மார்க்கஸ்.
வியாசர்பாடியில் ஒரு முனீஸ்வரர் கோவிலைப் பார்த்தோம். பெயர் வித்தியாசமாக இருந்தது. பீலிக்கான் முனிஸ்வரர் ஆலயம். அதென்ன பீலிக்கான்? மிகுந்த பக்தியுடன் காணப்பட்ட ஜோதிடர் கே.கே.சுப்பையாவைக் கேட்டோம்.
""பர்மாவில் வாழும் தமிழர்கள் பீலிக்கான் என்ற இடத்தில் முனீஸ்வரர் ஆலயத்தை ஏற்படுத்தி வழிபாடு செய்கிறார்கள். பர்மா தமிழர்கள் இங்கே வந்ததும் அதே பெயரில் கோயிலைக் கட்டிவிட்டார்கள். இங்கு மட்டுமல்ல, எண்ணூருக்கு அருகே உள்ள அன்னை சிவகாமி நகரிலும் இந்த முனீஸ்வரர் ஆலயம் இருக்கிறது. பல ஆண்டுகளுக்கு முன்பு தமிழ்நாட்டிலிருந்து பர்மாவுக்குச் சென்ற தமிழர்கள் முனீஸ்வரனையும் தங்களுடன் அழைத்துச் சென்றார்கள். அந்த முனீஸ்வரனைப் பர்மா தமிழர்கள் இப்போது தமிழ்நாட்டுக்கு அழைத்து வந்திருக்கிறார்கள்.
பர்மாவில் முனீஸ்வரர் வழிபாடு மட்டுமல்ல, முருகன் வழிபாடும் உள்ளது. சக்தி அங்காள பரமேஸ்வரி வழிபாடும் உள்ளது. இங்குள்ள பர்மா தமிழர்களும் அதே வழிபாட்டு முறையைப் பின்பற்றுகிறார்கள்.
வழிபாட்டில் மட்டுமல்ல, உணவு உண்பதிலும்கூட பர்மா உணவு வகைகள் சிலவற்றை விரும்பி உண்கின்றனர். நீங்கள் மகாகவி பாரதி நகர் பகுதியில் மாலை நேரங்களில் பர்மாவின் மொஹிங்காவை வாங்கிச் சுவைக்க முடியும். மொஹிங்கா என்பது நூடுல்ஸ் உணவு வகை. இதை ரோட்டுக் கடையில் கூட விற்பனை செய்கிறார்கள். மொஹிங்கோவை வீட்டில் செய்ய முடியாத பர்மா தமிழர்கள், கடையில் வாங்கி ஆர்வத்துடன் சுவைப்பதைக் காண முடியும். சிலர் வீட்டிலும் செய்வார்கள். இங்கு மட்டுமல்ல, பர்மா பஜார் பகுதியில் செகண்ட் லைன் பீச்சில் தள்ளுவண்டியில் பர்மா உணவு வகைகள் விற்பனை செய்யப்படுவதைப் பார்க்க முடியும்.
பர்மா தமிழர்களின் விருந்தோம்பல் பண்பு மறக்க முடியாதது. பெரியவர்களுக்கு அவர்கள் தரும் மரியாதை அதிகம். இப்போது கூட இங்கிருந்து பர்மாவுக்குச் செல்பவர்கள் ஒரு மாதம் அங்கே தங்கினாலும் ஒரு காசு செலவு இல்லாமல் இருக்க முடியும். தினம்தோறும் ஒவ்வொரு வீட்டிலும் விருந்துக்கு அழைப்பார்கள். தங்கச் சொல்வார்கள். மிகுந்த அன்போடு கவனித்துக் கொள்வார்கள்.
அதனால் பர்மாவிலிருந்து தமிழர்கள் யாராவது இங்கு வந்தால், இங்குள்ள பர்மா தமிழர்கள் விழுந்து விழுந்து அவர்களைக் கவனிப்பார்கள்.
வயதில் மூத்தவர்களுக்கு மிகுந்த மரியாதை கொடுப்பார்கள், பர்மாவில் உள்ள தமிழர்கள். இங்கே அந்தப் பண்பு, சற்றுக் குறைந்ததுபோல இருக்கிறது'' - குரலில் சற்று வருத்தம் தொனிக்கிறது.
பர்மாவில் இருபது இலட்சம் தமிழர்கள்-
பகிர்ந்தளிக்க :

20
தொடர்புடைய செய்திகள்

சமஸ்டிக்கு ஒப்புக் கொண்டு ஒரு மண் சட்டி கூட தமிழருக்கு கொடுக்காத சிங்கள இனம்,...
ஏறத்தாழ சகல பிரதான தேர்தல் பிரசார மேடைகளிலும் தவறாத பேசுபொருளாக சமஷ்டி குறித்த சர்ச்சை பெரிதாக எழுந்திருந்தத்தை கண்டிருப்பீர்கள்.
சிங்கள... [ மேலும் ]
[ 2016-08-02 11:46:08 ]
புத்தரின் பல்லுக்காக போரிட்ட, சிங்கள-தமிழ் மன்னர்கள்,...
தொகுப்பு-மார்க்கண்டு தேவராஜா(LLB)MP-TGTE.Zurich.Switzerland-இன்று ஈழத்தமிழரின் பூர்வீகமான வாழிடங்களில் சிங்களமயமாக்கல் நடைபெறுகின்றது. இதே போன்றதொரு கலாச்சார... [ மேலும் ]
[ 2016-08-02 11:36:11 ]
சதிகாரரின் சூழ்ச்சியை வென்ற தேசியத் தலைவன் பிரபாகரன்,...
தமிழீழ விடுதலைப் புலிகள் அமைப்பு மீதும் பிரபாகரன் மீதும் உண்மையான விசுவாசம் கொண்ட அணிகளும், ஆதரவாளர்களும், அனுதாபிகளும் தாம் நெஞ்சிலே சுமந்த... [ மேலும் ]
[ 2016-07-18 15:45:23 ]
உலகின் மனித உரிமைகள் பற்றிய உலகப் பிரகடனம்,...
தொகுப்பு .மார்க்கண்டு தேவராஜா(LLB)MP-TGTE-Zurich-Switzerland,1948 திசெம்பர் மாதம் 10ம் திகதி, ஐக்கிய நாடுகள் பொதுச்சபை, மனித உரிமை பற்றிய உலகப் பிரகடனத்தை ஏற்றுச்... [ மேலும் ]
[ 2016-07-05 21:27:55 ]
பாடசாலை இடைவிலகலும் இலங்கையில் சிறுவர் உரிமையும்,...
தொகுப்பு மார்க்கண்டு தேவராஜா(LLB)MP-TGTE-Zurich.Switzerland.. இயல்பான சுதந்திரத்தோடு வாழவும், தான் இசைந்து வாழும் சமுதாயத்திற்கான கடமைகளை முழுமையாகச் செய்ய மனிதன்... [ மேலும் ]
[ 2016-07-05 21:08:09 ]
அரசியல்
[ 2013-11-08 15:52:20 ]
சஷ்டி விரதம் இருந்தால் சத்புத்திர யோகம் உண்டாகும்,...
தொகுப்பு-மார்க்கண்டு தேவராஜா(LLB)Mayuraagoldsmith Swtzerland,சஷ்டி விரதம் இருந்தால் சத்புத்திர யோகம் உண்டாகும்.கந்த சஷ்டி விரத நிர்ணயம்
    கந்த சஷ்டி விரத... [ மேலும் ]
உலக சட்டம்
[ 2016-08-11 01:35:46 ]
ஐ.நா பாதுகாப்புச் சபைப் பிரேரணைகள் 1325உம் 1820உம்,...
தொகுப்பு.மார்கண்டு தேவாரஜா(LLB)MP.TGTE.Zurich Switzerland. ஐ.நா பாதுகாப்புச் சபை பற்றிய அறிமுகம்
சர்வதேச சமாதானத்தையும் பாதுகாப்பையும் பேணுவதை முக்கிய... [ மேலும் ]
[ 2013-09-06 20:35:55 ]
சர்வதேச சட்டமும் சட்டமூலங்களும்,...
தொகுப்பு.மார்க்கண்டு தேவராஜா(LLB)MP-TGTE-Zurich-Switzerland.மனித சமுதாயத்தில் சட்டங்களும் நியதிகளும் மிக முக்கியமான இடத்தினை வகிக்கின்றன.  சமதாயக்... [ மேலும் ]
[ 2013-09-06 20:16:57 ]
சட்டம் என்றால் என்ன,...
தொகுப்பு.மார்க்கண்டு தேவராஜா(LLB)MP-TGTE.Zurich.Switzerland.சட்டம்,,ஓவ்வொரு அரசாங்கமும் நிர்வாகம் செய்வதற்காகச் சில விதிகளையும் ஒழுங்குகளையும் உருவாக்குகின்றன.... [ மேலும் ]
வினோத நிகழ்வுகள்
[ 2016-08-10 16:19:04 ]
64 நாட்கள் தொடர்ந்து நித்திரை கொள்ளும் விசித்திரப்பெண்,...
இருபது வயதே நிரம்பிய அழகிய பெண் நிக்கோல். உறக்கம் என்பது வரம் என்பார்கள் ஆனால், அதுவே இந்த பெண்ணுக்கு சாபமாக அமைந்துவிட்டது.  முதல் முறையாக ... [ மேலும் ]
[ 2016-08-10 15:54:24 ]
உலகின் மிகவும் சிறிய குட்டி நாடு,...
உலகில் உள்ள இரண்டாவது குட்டி நாடு மொனாக்கோ. கத்தோலிக்க கிறிஸ்தவ தலைமையகம் உள்ள வாட்டிகனுக்கு அடுத்து உலகில் உள்ள குட்டி நாடு இது.
மொத்தமே 499.2... [ மேலும் ]
[ 2016-08-10 15:52:19 ]
900 கோயில்கள் உள்ள உலகின் ஒரே அதிசய மலை,...
ஜைன மத ஐதீகங்களின் அடிப்படையில் பண்டைய காலம் முதலே பிராயச்சித்தம் அளிக்கும் புண்ணியத் தலமாக பாலிதானா என்ற புனித ஸ்தலம் கருதப்படுகிறது.... [ மேலும் ]
[ 2016-08-03 00:09:11 ]
ஆரம்பகாலத்தில் வினோதமாக இருந்த மருத்துவ முறைகள்,...
எல்லா துறைகளின் ஆரம்பக் காலகட்ட வடிவமைப்புகளோடு ஒப்பிட்டு பார்க்கையில், இப்போது மிகவும் வினோதமாகத் தான் தெரியும். என்ன செய்வது அறிவியலும்,... [ மேலும் ]
மங்கையர் பகுதி
[ 2016-08-10 18:16:06 ]
கூந்தல் அலங்காரமும் பராமரிப்பும்,...
பெண்களின் கூந்தலைப் பற்றி காப்பியங்களிலும், இதிகாசங்களிலும் அதிகமாக பேசப்பெறுகின்றன. நீண்ட தலைமுடியையே கூந்தல் என அழைக்கின்றோம். நீண்ட... [ மேலும் ]
[ 2016-08-10 18:00:53 ]
கண்கள் - பராமரிப்பும் அலங்காரமும்,...
அகத்தின் அழகு முகத்தில் தெரியும் என்பார்கள். முகத்தின் அழகிற்கு மெருகூட்டுவதும், கவர்ச்சியைக் கொடுப்பதும் கண்களே. கண்களின் பார்வையில் பல... [ மேலும் ]
[ 2015-04-15 18:03:11 ]
உங்கள் குழந்தைகள் சீக்கிரம் பேச வேண்டுமா,...
குழந்தைகள் பிறந்த பின்னர் ஏற்படும் பிரச்சனைகளில் ஒன்று தான் பேசுவது. ஏனெனில் அனைத்து குழந்தைகளும் சீக்கிரம் பேசிவிடமாட்டார்கள். சில குழந்தைகள்... [ மேலும் ]
[ 2015-04-15 17:59:33 ]
பெண்கள் குடும்பக் கட்டுப்பாடு ஆபரேஷன் செய்வதால் ஏற்படும் விளைவுகள்,...
பெண்கள் குடும்பக் கட்டுப்பாடு ஆபரேஷன் செய்வதால் ஏற்படும் விளைவுகள்! மகப்பேறு என்பது ஒவ்வொரு பெண்ணின் கனவாகும். ஆனால் போதிய குழந்தைகளை... [ மேலும் ]
மரண அறித்தல்
மரண அறிவித்தல்,
பெ திரு நல்லரட்ணம் சிவராசா
பி அவுஸ்திரேலியா Melbourne
வா Allison Monkhouse, Funeral Home, Corner Stud Rd & Burwood Hwy, Wantirna VIC 3152, Australia.
தி மட்டக்களப்பு கோட்டைமுனை
மரண அறிவித்தல்,
பெ திரு நாகமணி பூபாலசிங்கம்(ஓய்வுபெற்ற உத்தியோகத்தர்- நீர்பாசனத் திணைக்களம் V.C.O)
பி மட்டக்களப்பு சின்ன உப்போடையை வசிப்பிடமாகவும்
வா திரு நாகமணி பூபாலசிங்கம்
தி யாழ். சரவணை மேற்கைப் பிறப்பிடமாகவும்,
மரண அறிவித்தல்,
பெ திரு அரியரட்னம் அரியதவசிங்கம்
பி யாழ். மானிப்பாயைப் பிறப்பிடமாகவும்,
வா சுவிஸ் Olten ஐ வசிப்பிடமாகவும்,
தி மறைவு : 17 மே 2015,
மரண அறிவித்தல்
பெ திரு ஆதிநாயகம் நமசிவாயம்
பி மட்டக்களப்பைப் பிறப்பிடமாகவும்,
வா களுவாஞ்சிக்குடியை வசிப்பிடமாகவும், கனடாவை வதிவிடமாகவும்
தி உதிர்வு : 25 ஏப்ரல் 2015
மரண அறிவித்தல்
பெ திரு கந்தையா ஜீவரெத்தினம்
பி மட்டக்களப்பு பெரியபோரதீவைப் பிறப்பிடமாகவும்
வா மட்டக்களப்பு பெரியபோரதீவைப் பிறப்பிடமாகவும், வசிப்பிடமாகவும்
தி இறப்பு : 1 ஏப்ரல் 2015
மரண அறிவித்தல்
பெ திரு பூபாலப்பிள்ளை நவரெத்தினம்
பி மட்டக்களப்பு பெரியபோரதீவைப் பிறப்பிடமாகவும்,
வா முனைத்தீவை வசிப்பிடமாகவும்
தி கண்நெகிழ : 11 மார்ச் 2015
மரண அறிவித்தல்
பெ திருமதி சந்திரசேகரம் மனோன்மணி
பி மட்டக்களப்பு பெரியகல்லாறைப் பிறப்பிடமாகவும்,
வா சுவிட்சர்லாந்தை வசிப்பிடமாகவும்
தி இறப்பு : 3 மார்ச் 2015
மரண அறிவித்தல்
பெ திரு ராமசாமிபிள்ளை பெருமாள்பிள்ளை
பி இந்தியா திருச்சி இலுப்பையூரைப் பிறப்பிடமாகவும்,
வா புசல்லாவையை வசிப்பிடமாகவும்
தி இறப்பு : 20 ஓகஸ்ட் 2013
மரண அறிவித்தல்
பெ திரு வெஸ்லி நடேந்திரா கிருஷ்ணபிள்ளை
பி மட்டக்களப்பு பெரிய கல்லாறையைப் பிறப்பிடமாகவும்,
வா கனடா Toronto வை வதிவிடமாகவும்
தி ஆண்டவன் அடியில் : 16 டிசெம்பர் 2014
மரண அறிவித்தல்,
பெ திரு கதிர்காமத்தம்பி சிவானந்தராஜா (ஆனந்தன்)
பி மட்டக்களப்பு கோட்டைக்கல்லாற்றைப் பிறப்பிடமாகவும்,
வா பிரான்ஸ் Paris, பிரித்தானியா Grantham ஆகிய இடங்களை வசிப்பிடமாகவும்
தி விண்ணில் : 18 ஒக்ரோபர் 2014
முகப்பு | செய்திகள் | சினிமா | விளையாட்டு | இலக்கியம் | ஆன்மீகம் | தொழிநுட்பம் | வாழ்த்துகள் | மங்கையர் உலகம் | மரண அறிவித்தல்கள்
WORLDTAMILSWIN (c) 2013, All rights reserved.Worltamilswin.com. Developed by : Yellowwin Media

Powered by Blogger.