Halloween party ideas 2015
.




நாரணன்களதும் சிவசங்கர்மேனன்களதும் விஜய்நம்பியாரதும் அதே அடிச்சுவட்டில் ஜெயமோகனும்....
-------------------------------------------------------------------------------------------------------------------------------------------------------------------
                                                              ச.ச.முத்து
இதற்கு முன்னர் கொட்;டிய அதே நீர்த்துப்போன,வரலாறு தெரியாத அதே வாந்திதான்.இம்முறை கொஞ்சம் அதிக நஞ்சுகலந்து கொப்பளித்துள்ளார் ஜெயமோகன்.
இந்த ஜெயமோகன் யார் என்று கேட்கிறீர்களா எமது உறவுகளே...தமிழ்திரைப்படங்கள் எட்டு, ஒன்பதுக்கு திரைவசனம் எழுதிய மேதாவி....தமிழிலும்  தனது தாய்மொழியான மலையாளத்திலும் எழுதிக் கொண்டிருக்கின்ற ஒரு பிற்போக்கு கருத்தியல்வாதி இவர்.
கடைசியாக வந்த விகடன் தடம் இதழுக்கு வழங்கிய பேட்டியில் ஒரு கேள்வி இவர் முன் வைக்கப்படுகின்றது.
""ஈழத்தில் நிகழ்ந்த இனப்படுகொலைக்குப் பின்னால் இந்திய அரசின் கரங்கள் இருந்தன' என்ற விமர்சனங்கள் முன்வைக்கப்படுகின்றன. இந்தியத் தேசியத்தை ஆதரிப்பவர் என்ற முறையில் இதுகுறித்த உங்கள் கருத்து என்ன? உங்களது 'உலோகம்' நாவல்  இந்திய அமைதிப்படை குறித்த கட்டுரை ஆகியவை  தொடர்ச்சியாக ஈழவிடுதலைக் குரல்களுக்கு எதிராக இருக்கின்றனவே?''

அதற்கு பதில் கொடுக்கிறார் ஜெயமோகன் இப்படி....
முதலில்இ இலங்கையில் நடந்தது இனப்படுகொலை கிடையாது என்பது என் பார்வை. எந்த ஓர் அரசும் தனக்கு எதிராக சில குழுக்கள் போரில் ஈடுபடும்போது அதை ஒரு போராகத்தான் பார்க்குமே தவிர, சிவில் சொசைட்டியின் எதிர்ப்பாகப் பார்க்காது."
இதற்கு முன்னரும்கூட  இந்தியராணுவம் ஈழத்தில் கற்பழிப்பு எதிலுமே ஈடுபடவில்லை என்ற முழு அபத்தமான, நேர்மையற்ற, மானுடதன்மையற்ற கருத்தை எழுதியவரிடம் இருந்து இதனைவிட வேறு எப்படியான பதிலை எதிர்பார்த்திருக்க முடியும்...
ஆனால் ஜெயமோகன் வகையறாக்களுக்கு பதில் எழுதி புரியவைக்க முடியாத அளவுக்கு மிகமிக மட்டமான மானுடத்தன்மை உள்ளவர் என்பதால் இந்த பதில்கூட அவரை இன்னமும் ஏதோ இலக்கியத்தின் ராஜகுருவாக நினைந்து ஏற்றி போற்றி கொண்டிருக்கும் என் புலம்பெயர் பிரகிருதிகள் சிலருக்காகதான்.
இனப்படுகொலைக்கான வரையறைகளோ போர்க்குற்ற நடைமுறை சட்டமூலங்களோ உருவாக காலத்திலேயே மாலிக்கபூரும் மற்ற மௌகலாய மன்னர்களும் இன்னொரு இந்து மன்னன்மீது படை எடுத்து நடாத்தியவற்றை இப்போதும் இனக்கொலை,மானுடத்து எதிரான குற்றம் மதத்துக்கு எதிரான குற்றம் என்று வரிக்கு வரி எழுதி  குவிக்கும் ஜெயமோகனுக்கு இந்த நூற்றாண்டில் தன் அருகில் ஒரு மண்ணில் நடந்தது இனப்படுகொலையாக தெரியாமல் போனதற்கு பின்னர் இருக்கும் மாலைக்கண் வியாதி எது..?
அது நிற்க,தமிழீழவிடுதலைப்போரை சில குழுக்களின் போராக பார்க்கும் இவர் எந்த உலகத்தில் இருக்கிறார்.தேசியஇனம், தேசிய இனங்களுக்குரிய சுயநிர்ணய உரிமை போன்றவை ஏற்றுக்கொள்ளப்பட்டுள்ள ஒரு சூழலில் குழுக்களின் போராக ஏன் அதனை ஜெயமோகன் சுருக்கி சுய இன்பம் காண்கிறார்.
அது அப்படியே ஒரு குழுவின் போராக இருந்தால் பின்னர் இந்த போருக்கு தீர்வாக உங்கள் இந்தியா கொண்டுவந்த தீர்வில்(1987) தேசியஇனத்தின் நிலம் சம்பந்தப்பட்ட வரையறை முதலாவதாக இருந்தது.
மேலும் சிங்களபேரினவாதம் இப்போது அல்ல 1983லேயே செய்தது இனப்படுகொலை என ஜெயமோகன் இப்போதும் உச்சிமுகரும் இந்திய ஜனநாயக கோட்டையான டெல்லி பாராளுமன்றத்தில் இந்திரா சொன்னதையும் ஜெயமோகன் மறுக்க போகிறாரா..?
இவரெல்லாம் வரலாற்றை எழுதுகிறராம் இவருக்கு என்று ஒரு சில பாணபத்திர ஓணாண்டி சாமரம்வீசும் புலவர் பெருந்தகைகள் வேறு...
இது மட்டுமல்லாமல் ஜெயமோகன் மேலும் தனது அறிவு வறுமையை தனது விகடன் தடம் இதழ்(01 .08.2016) பேட்டியில் தொடர்கிறார்..
"எனவே அரசு தனக்கு எதிரானவர்களைக் கொன்றது என்றுதான் பார்க்கிறேனே தவிர அதை இனப்படுகொலை என்று பார்க்கக் கூடாது.
இலங்கை அரசுஇ தமிழர்களை  மட்டும் கொல்லவில்லை. இலங்கையைச் சேர்ந்த இடதுசாரி இயக்கமான ஜே.வி.பி-யைச் சேர்ந்த 72,000 பேரையும் அதே அரசுதானே கொன்றழித்தது? கொல்லப்பட்டவர்கள் சிங்களவர்கள்தானே? எங்கே இரக்கம் காட்டியது சிங்கள அரசு? ஜே.வி.பி-க்கு ஓர் அணுகுமுறைஇ புலிகளுக்கு ஓர் அணுகுமுறை என்றால்தான் அது சிங்கள இனவாதமாக இருக்க முடியும். "
முழு மென்டல் தனமான ஒரு கிஸ்ரிரீயா வகை சார்ந்த பதில் என்றே எழுத மனது சொல்கிறது..ஆனாலும்  ஊடக தர்மத்துக்கு இணங்க இது ஒரு பைத்தியக்காரனின் பதில் என்றே சொல்லுவேன்.இந்த ஜெயமோகன் தனது புறப்பாடு என்ற வெளியீட்டில் தனது தாயும் தந்தையும் ஒருவர் பின் ஒருவராக தற்கொலை செய்து கொண்ட பின்னர் தான் மனநோயில் இந்தியா முழுதும் சுற்றியதாக எழுதி இருந்தார். அது இன்னும் தெளியவில்லை என்றே நினைக்கிறேன்.( கனடா இலக்கிய தோட்டம் அமைப்பும் மற்றும் இலக்கிய வெறி உள்ளவர்களும் ஜெயமோகனுக்கு இன்னும்பல விருதுகளை வழங்கி அவரின் பித்தம் தெளிய வைக்க முயலலாம்)
1971லும் 1987,1988,1989 களிலும் ஜேவிபிக்கு எதிரான சிங்களஅரசின் நடவடிக்கைகள் அந்தஅமைப்பை அழிப்பதிலேயே முனைந்தது.சிங்களமக்களை மொத்தமாக குறிவைத்து சிங்களஅரசு எந்த நடவடிக்கையும் எடுக்கவில்லை.முழுமையாக ஒரு சிங்களகிராமம்கூட இது ஜேவிபி கிராமம் என்று அழிக்கப்படவில்லை. ஏனென்றால் அவர்கள் சிங்களமக்கள் என்பதால்.. ஆனால் எறிகணையும், கொத்துக்குண்டும் முழு தமிழ் மக்களுக்கு எதிராகவும் அவர்களின் வாழ்இடங்கள் அனைத்துக்கும் மேலாகவும் நிகழ்த்தப்பட்டதே..இந்த வித்தியாசம் தெரியாமல் ஜேவிபி உறுப்பினர்களின் அழிப்பையும் தமிழ்தேசிய இனஅழிப்பையும் ஒரே தராசில் போட்டு எடை சமன் சொல்கிறார் அறிவுச்சுரங்கம் ஜெயமோகன்...
கொழும்பில் இருந்து அனைவரையும் வெளியேற சொல்லி சிங்கள அரசு உத்தரவு போட்;டபோது ஏன் விடுதலைப்புலி ஆதரவாளர்கள், விடுதலைப்புலி உறுப்பினர்கள் வெளியேறுங்கள் என்று சிங்கள அரசு உத்தரவு போடாமல் தமிழர்களை வெளியேற சொன்னது...ஏன் என்றால் சிங்களஅரசின் போர் என்பது முழு தமிழர்களுக்கும் எதிரானதே..
இதனை எல்லாம் புரிந்து கொள்ள வேணுமாக இருந்தால் ஓரளவுக்கேனும் மனித உணர்வுகளை புரிந்து கொள்ளும் பக்குவம் வேண்டும்.
இதற்கு முன்னரும் தமிழ்பெண் எழுத்தாளர்கள்,தமிழின தேசியம் என்பன சார்ந்து முழு பிற்போக்கு தனமான கருத்துகளை வெளியிட்டு மூக்குடைபட்டு இன்னும் திருந்தாத வேதாளமாக ஜெயமோகன் இம்முறை இனப்படுகொலை மறுப்பில் முனகுகிறார்.
இனப்படுகொலை உச்சத்தில் நடந்த 2009 பகுதியில் அதற்கு முழு ஒத்துழைப்பு நல்கிய,அதனை செய்து முடிக்க சர்வதேச மௌனத்தை ஏற்படுத்தி கொடுக்க வேலை செய்த சிவசங்கர்மேனன்,விஜய் நம்பியார்கள்,நாராயண் வழியில் இப்போது ஜெயமோகன்..ஆனால் தமிழில் எழுதுபவர் என்ற முகத்திரையுடன்...
அவர் என்ன சொன்னாலும் பரவாயில்லை அவர் எழுதும் விஸ்ணுபுரம் போன்ற புனைவுகளில்தான் நாம் எம் முகங்களை அலசுவோம் என்ற  இலக்கிய பித்து தலைக்கேறி இலக்கிய தோட்ட விருதுகளும் இன்ன பிறவும் அவருக்கு இனி வரும் காலங்களிலும் ஈழத்தமிழர்களால் கொடுக்கப்படலாம்.
ஏனென்றால் எங்களுக்குத்தான் ஸ்போர்ட்ஸ் வேறு தமிழினபடுகொலை வேறு...இலக்கியம் வேறு தமிழினவிடுதலை வேறு....படிப்பு வேறு தேசியஇன அடையாளம் வேறு....
எல்லாவகையான அநீதிகளையும்,வரலாற்று பிழைகளையும்,அடிபணிவு கருத்துகளையும் பார்த்துக் கொண்டிருப்பதற்கு பெயர் நடுநிலைமை என்றால் அந்த நடுநிலைமை தேவையில்லை...




 

Post a Comment

Powered by Blogger.