Halloween party ideas 2015
.

[7/10, 4:57 PM] TNaathigam: *குருமூர்த்திகளின் குடுமிகள் குதிப்பது ஏன்?...................................*

ஆர்.எஸ்.எஸ். அமைப்பின் ஆலோசகர் திருவாளர் குருமூர்த்தி, தினமணி வைத்திய நாதய்யரின் தாராள மனத்தின் காரணமாக, கொள்கைக் குருதிப் பாசத்தின் அடிப்படையில் தொடர் கட்டுரைகள் எழுதிட அனுமதிக்கப்பட்டுள்ளார் (8, 9.7.2016).

எழுத்தாளர் பெருமாள் முருகன் அவர்களின் நாவலான ‘மாதொரு பாகன்’ தொடர்பாக சென்னை உயர்நீதிமன்றத்தின் தீர்ப்பை எதிர்த்துத் தீப்பந்தத்தால் கட்டுரை தீட்டியுள்ளார்.

கருத்துச் சுதந்திரம் கட்டற்றது அல்ல என்று நீதிபதிகளுக்கு அறிவுரை புகன்றுள்ளார். (அதே நேரத்தில் இட ஒதுக்கீடு தொடர்பாக நீதிமன்றம் எதிர்த்துத் தீர்ப்புக் கூறினால், அதனை உச்சி மோந்து உபசரித்துப் பாராட்டுவார்கள்).

*‘மாதொரு பாகன்’ புதினம்*

பற்றி உயர்நீதிமன்றத் தீர்ப்பை வரவேற்றுள்ளவர்களை - *முற்போக்குச் சிந்தனையாளர்களைக் கேலியும், கிண்டலுமான முறையில் சாடித் தீர்த்துள்ளார் ஆடிட்டர் குருமூர்த்தி.*

இதனைத் திட்டமிட்டே செய்துள்ளார் - ஆர்.எஸ்.எசுக்கே உரித்தான சிண்டு முடியும் வேலை - மூக்கைச் சொரிந்துவிட்டு சபாஷ் போடும் சனாதனப் புத்தியோடு பேனாவை ஓட்டி இருக்கிறார்.

கொங்குப் பகுதி மக்களின் உணர்வுகளை மதிப்பது போல காட்டி, சும்மா இருக்கும் அவர்களைத் தூண்டி விடும் ஒரு விஷம வேலையில் அவர் இறங்கி இருப்பதாகத் தெரிகிறது.

ஜாதி மோதல், மத மோதல் என்றால், அவர்களுக்குப் ‘பிரியாணி’ சாப்பிடுவது மாதிரி.

*இராமாயணத்தில் நடந்த சண்டையில்கூட ஒரே ஒரு பார்ப்பானாவது செத்ததுண்டா என்ற கேள்வியை தந்தை பெரியார் எழுப்பியதுண்டு அல்லவா?*

இதிலும் அப்படித்தான்; இவர்கள் மோதிக் கொள்ளவேண்டும் என்று ஆசைப்படும்போது  அதில் கண்டிப்பாக  அக்கிரகாரவாசிகள் சிக்கிக் கொள்ளப் போவதில்லை.

ஜாதி கலவரத்தோடு மட்டுமல்ல, சல்மான் ருஷ்டி எழுதிய ‘த மூர்ஸ் லாஸ்ட் சிக் ’ நூலுக்கான தடையைத் தடை செய்து உச்சநீதிமன்றம் தீர்ப்பு வழங்கியும், மகாராட்டிர மாநிலத்தில் அந்த நூலை விற்க முடிய வில்லையே - அதனை எதிர்த்து முற்போக்குவாதிகள் ஏன் நீதிமன்றம் செல்லவில்லை என்ற வினாவை வெடுக்கென்று எழுப்புகிறார்.   ஏன் அந்த வேலையை இவரும் செய்திருக்கலாமே! யார் தடுத்தது?

சல்மான் ருஷ்டி எழுதிய நூல் தொடர்பாக முற் போக்குவாதிகள் ‘சரியாக செயல்படவில்லை'  (ஒரு வாதத்துக்காகவே) என்ப தால், இனி எந்த நூல் பிரச்சி னையிலும் முற்போக்கு வாதிகள் தலையிடக் கூடாது என்று இந்த ‘நூல்’ மேனியார் கூறுவதாக எடுத்துக் கொள்ளலாம்.

நாமும் இவரையும், இவரைச் சார்ந்தவர்களையும் நோக்கிக் கேட்கும் வினாக்கள் ‘டன்’ கணக்கில் உண்டு.

*காந்தியாரைக் கொன்ற கோட்சேவுக்கு சிலை வைக்க இந்து மகாசபை திட்டமிட்டதே - அதைப் பற்றி இவர் ஏன் பேசவில்லை?*

மாட்டுக் கறியைக் குளிர்சாதனப் பெட்டியில் வைத்திருந்தார் என்று பொய்யாகக் கூறி தாத்ரி என்ற  முசுலிம் பெரியவரை அடித்துக் கொன்ற இந்துத்துவா கும்பலின் வெறித்தனத்துக்கு இவர் ஏன் கண்டனம் தெரிவிக்கவில்லை?

அரியானாவில் செத்த மாட்டின் தோலை உரித்த 5 தாழ்த்தப்பட்ட சகோதரர்களை விசுவ இந்து பரிஷத் காலிகள் காவல் நிலையத்திற்குள் புகுந்து வெளியில் இழுத்து வந்து கொன்றனரே - அதனை ஏன் இவர் கண்டிக்கவில்லை?

பி.ஜே.பி.,க்கு ஓட்டுப் போடுவோர் இராமனுக் குப் பிறந்தவர்கள், அப்படிப் போடாதவர்கள் முறையாகப் பிறக்காதவர்கள் என்று  மத்திய பெண் அமைச்சர் பேசிய கருத்துப்பற்றி இவர் ஏன் வாய் திறக்கவில்லை?

காந்தியைக் கொன்றதற்குப் பதிலாக நேருவைக் கொன்று இருக்கவேண்டும் என்று எழுதியபோது, இவர் எங்கே போயிருந்தார்?
இதுபோன்ற எண்ணற்ற கேள்விகளை இவரை நோக்கி நாம் கேட்க முடியாதா?

இவர்கள் யார்? இவர்கள் யார் பக்கம் நின்று பேசு கிறார்கள் என்பதுதான் முக்கியம். அதைத் தெரிந்து கொண்டால் அவாளின் அ(ஆ)ரிய நோக்கம் என்ன என்பது எளிதாகவே தெரிந்துவிடுமே!

கொலைக் குற்றவாளியாகக் கூண்டில் நிறுத்தப்பட்ட காஞ்சி சங்கராச்சாரியார் ஜெயேந்திரருக்காக அடே யப்பா இவாளின் பேனா முனை எப்படியெல்லாம் கோரத்தாண்டவ ந(ரி)ர்த்தனம்  ஆடியதுஎன்பது சாதா ரணமானதுதானா?

இதே ‘தினமணி’யில் தான் (28.11.2013) முழுப் பக்கக் கட்டுரையை வரிந்து தள்ளினாரே குருமூர்த்தி!  அப் பொழுதுகூட கொலைக் குற்றத்திற்காக சங்கராச்சாரி யாரைக் கைது செய்த முதலமைச்சர் அம்மையார்மீது தன் கோபக் கண்களைத் திருப்பவில்லை! (எவ்வளவு ஜாக்கிரதை உணர்வு!).

‘‘சங்கராச்சாரியாருக்கு எதிராக என்னென்ன விமர் சனங்கள் எழுதப்பட்டன? எப்படிப்பட்ட கிண்டலும், கேலியும் செய்யப்பட்டன  என்பதையும், திராவிடர் கொள்கையாளர்களாலும், கட்சியினராலும் ஏன் தங்களை மதச் சார்பற்றவர்கள் என்று கூறிக் கொள்ளும் சமுதாயப் பிரமுகர்களாலும், ஊடகங்களாலும்,  காஞ்சி மடமும், சங்கராச்சாரியார்களும் தரம் தாழ்த்தி சித்தரிக்கப்பட்டனர் என்பதையும் இப்போது  நினைத்தாலும் முகம் சுளிக்க வைக்கின்றன’’ என்று ஏட்டை ரணப்படுத்தவில்லையா இந்த வேதப் புரத்தார்?

சங்கராச்சாரியார் வழக்கில் விடுதலையானது குறித்து மகிழ்ச்சிக் கூத்தாடும் இந்த யோக்கிய சிகாமணியர், இந்த வழக்கில் 83 பேர் பிறழ் சாட்சியாக மாறினார்களே - இதுகுறித்து மூச்சுவிட்டதுண்டா? ஒரு தர்ப்பையை கிள்ளிப் போட்டதுண்டா?

கொலை செய்யப்பட்ட சங்கரராமனின் மனைவி என்ன சொன்னார்? வழக்கில் பொய்யான தகவலைக் கூறுவதற்காக ஜெயேந்திரர் பேரம் பேசியதாகச் சொன்னாரே - அப்பொழுதாவது ஜெயேந்திரர்மீது ‘சே’ இப்படியும் ஒரு பேர்வழியா என்று கோபப்பட்டுக் கூறியதுண்டா?

சங்கர மடத்திற்குச் சென்றபோது என் கையைப் பிடித்து இழுத்தார் ஜெயேந்திர சரசுவதி என்று பகிரங்க மாக கண்ணீரும், கம்பலையுமாக தொலைக்காட்சியில் கதறினாரே எழுத்தாளர் அனுராதா ரமணன் (அவரும் அக்கிரகார பெண்மணிதான்) அந்த நேரத்தில் குருமூர்த்தி அந்தப் பெண்மணிமீது அபாண்ட பழி சுமத்தினார் *(‘துக்ளக்‘, 29.12.2004).* அந்த அழிபழி பொய்யுரைக்குப் பதிலடி கொடுக்கத் தவறவில்லை எழுத்தாளர் அனுராதா ரமணன்.

அந்த அபாண்டக்காரரை என் கண்முன் கொண்டு நிறுத்துங்கள். மிரட்டல், துரத்தல்களை எப்படி நிறுத்தி னேன் என்று சொல்கிறேன் என்று சிங்கமாகச் சீறினாரே! *(‘குமுதம்‘, 10.1.2005).*

அதோடு மூச்சுப் பேச்சு இல்லாமல் அடங்கிப் போனதுதான் இந்த குருமூர்த்தி கும்பல்.

ஒழுக்கத்தைப்பற்றியும், கற்பைப்பற்றியும் அக்கிர கார மனிதர்கள் பேசத் தகுதி உண்டா? உடலில் நெய்யைத் தடவிக் கொண்டு குழந்தைப் பேற்றுக்காக பிற ஆடவருடன் புணரலாம் என்று சாத்திரம் எழுதி வைத்தவர்கள்- *அய்வருக்கும் தேவி *அழியாத பத்தினி*என்று ‘தெய்வக் கில்ட்டு’ அடிப்பவர்கள் இதைப்பற்றி எல்லாம் எழுதத் தகுதிப் படைத்தவர்கள்தானா?

*பெண்களைப்பற்றி அவதூறாக பெருமாள் முருகன் எழுதிவிட்டதாக வெம்புகிறாரே - ஆடிட்டர் குருமூர்த்தி; வேலைக்குச் செல்லும் பெண்கள் ஒழுக்கக் குறைவான வர்கள் என்றும், விதவைப் பெண்கள் தரிசு நிலத்துக்கு ஒப்பானவர்கள் என்றும் காஞ்சி சங்கராச் சாரியார் ஜெயேந்திர சரசுவதி சொன்னாரே *(தி பயனீர், 17.3.1997)*- அது ஒட்டுமொத்த பெண்கள் சமுதாயத்தையே ஒழுக்கக் குறைவானவர்கள் என்று கூறுவது ஆகாதா?

அப்படி சொன்னதற்காக தினமணியிலே குரு மூர்த்திகள் எழுதிக் கொடுத்த கட்டுரையை ஒருக்கால் வைத்திகள்போட மறுத்துவிட்டனரோ!

தெரிந்து கொள்ள விரும்புகிறோம்.

ஒரு கற்பனைப் புதினத்தால் குறிப்பிட்ட பகுதியில் வாழும் பெண்களுக்கு மானக்கேடாகப் போய்விட்டது என்று இவராகவே மார்பில் அடித்துக் கொள்கிறாரே - அந்தப் பிரச்சினை அமுங்கிப் போன நிலையில், அதனை உயிரூட்டி, கலகமூட்டிக் குளிர்காயத் துடிக் கிறார்களே - அவர்களுக்கு ஒரு முக்கிய கேள்வி செங்குத்தாகவே எழுந்து நிற்கிறது.

அதுதான் நவராத்திரி திருவிழா - அதிலும் குறிப் பாக மகாராட்டிர மாநிலத்தில் நடந்துவரும் கேவலம் - அவலம்!

மும்பையையே கதி கலங்க வைக்கும் நவராத்திரி - அதிலும் முக்கியமாக மூன்று நாள்களில் 50 லட்சம் மக்கள் பங்கேற்று ஆட்டம் பாட்டத்தில் ஜமாய்க் கிறார்கள்.

இளம்பெண்கள் வழக்கமாக இரவில் நீண்ட நேரத் திற்கு வெளியே இருக்க பெற்றோர்கள் அனுமதிப்ப தில்லை.

ஆனால், தசரா கொண்டாட்ட நாள்களில் இந்தக் கட்டுப்பாடு தளர்த்தப்படுகிறது.

நள்ளிரவில் இரண்டு, மூன்று மணிவரைகூட இளம்பெண்கள் வெளியே அனுமதிக்கப்படுகின்றனர்.

இந்தக் காரணங்களால் தசரா பண்டிகைக்குப் பிறகு கர்ப்பம் அடையும் திருமணம் ஆகாத இளம்பெண் களின் எண்ணிக்கையும், எய்ட்ஸ் நோய் பாதித்த வர்களின் எண்ணிக்கையும் அதிகரித்து இருப்பதாக மும்பை மகப்பேறு இயல் அமைப்பு நடத்திய ஆய்வில் அதிர்ச்சித் தகவல் வெளிவந்துள்ளதே - கடந்தாண்டு கர்ப்பம் அடைந்த இளம்பெண்களின் எண்ணிக்கை 30 முதல் 50 சதவிகிதம் அதிகரித்திருப்பதாக ஆய்வில் கூறப்பட்டுள்ளது. தசராவிற்குப் பிறகு மூன்று மாத காலகட்டத்தில், ஆஸ்பத்திரிகளில், கிளினிக்குகளில் நடந்த கருக்கலைப்புகளைக் கணக்கிட்டு இது தெரிவிக் கப்பட்டது. 16 முதல் 19 வயதுக்குட்பட்ட பெண்களே இதில் அதிகம்.

இந்தத் தகவல்களைக் கூறுவது விடுதலை அல்ல. திராவிட இயக்க ஏடுகள் அல்ல - ‘தி டைம்ஸ் ஆஃப் இந்தியா’ ஏடு (25.11.2010).
பெருமாள் முருகன்மீது விழுந்து புரளும் குருமூர்த் திகளே இதற்கு என்ன பதில் சொல்லப் போகிறீர்கள்?

தசராவைத் தடை செய்யக் கோரப் போகிறீர்களா? அல்லது தசராவுக்கு முன்னர் நெய் வியாபாரம் செய்யப் போகிறீர்களா?
முடிந்தால் பதில் சொல்லுங்கள் பார்க்கலாம்!

*கொசுறு*

திருவாளர் ‘சோ’  உடல்நலம் பாதிக்கப்பட்டு இருப்பதால், அந்த இடத்திற்கு குருமூர்த்திகளும், பாண்டேக்களும் நகருவதாக ஒரு பேச்சு அடிபடுகிறது.
[7/10, 4:57 PM] TNaathigam: *குருமூர்த்தியாருக்கு ‘சுருக்'கமான கேள்விகள்????*

இந்த நாட்டின் பெரும்பான்மை மக்களை சூத்திரர்கள் என்று கூறி வேசி மக்கள் என்று ஆணி அடிக்கும் மனுதர்மத்திற்கு (அத்தியாயம் 8, சுலோகம் 415)

*வக்காலத்து வாங்கும் குருமூர்த்திகள் நியாய தர்மத்தைப் பேச யோக்கியதை உடையவர்கள்தானா?*

பெண்களும், வைசியர்களும், சூத்திரர்களும் பாவ யோனியில் பிறந்தவர்கள் என்று ‘பகவான் கிருஷ்ணன்’ கூறுகிறார் (அத்தியாயம் 9, சுலோகம் 32) என்கிற கீதையை இந்திய தேசிய புனித நூலாக ஆக்குவோம் என்று வெளியுறவுத் துறை அமைச்சர் சுஷ்மா சுவராஜ் கூறுகிறாரே - இதனைத் தவறு, கூடாத செயல் என்று எப்பொழுதாவது இந்தக் கூட்டம் கூறியதுண்டா? அ
தனைத் தடை செய்ய வேண்டும் என்று அறிவு நாணயத்தோடு கூறியி ருந்தால் அல்லவா, பெருமாள் முருகனைப்பற்றிப் பேசிட தார்மீக உரிமை உண்டு.

இப்படி பெரும்பான்மை மக்களையும், ஒட்டு மொத்தமான பெண்களையும் - பார்ப்பனப் பெண்கள் உள்பட பாவ யோனியில் பிறந்தவர்கள் என்று கூறும் கீதை தேசிய புனி நூலாக அறிவிக்கப்பட இருப்பதாக வெளியுறவுத் துறை அமைச்சர் சுஷ்மா சுவராஜ் டில்லி செங்கோட்டை மைதானத்தில் (8.12.2014) பேசினாரே - இத்தகைய மனோ வியாதியைக் கொண்டவர்கள் குறிப்பிட்ட பகுதிவாழ் பெண்கள் அவமதிக்கப்படுகிறார்கள் என்ற பொய்யழுகை யாரை ஏமாற்றிட?

அன்னையைப் புணர்ந்து தாதை குரவனா மந்த ணாளன்
தன்னையுங் கொன்ற பாவந் தணித்துவீ டளித்த தென்றால்
பின்னைநீ ரிழிநோய் குட்டம் பெருவயி றீளை வெப்பென்
றின்னநோய் தீர்க்குந் தீர்த்த மென்பதோ விதற்கு மேன்மை.
(‘‘மாபாதகம் தீர்த்த படலம்‘’,

திருவிளையாடல் புராணம், பரஞ்சோதி முனிவர்)

தாயைப் புணர்ந்து, தந்தையைக் கொன்ற (எழுதுவதற்கே கூச்சமாக இருக்கிறதே!)  பார்ப்பானுக்கு மோட்சம் அளித்தாகக் கூறும் திருவிளையாடல் புராணத்தைத் தடை செய்யவேண்டும் என்று குருமூர்த்தி வகையறாக்கள் கூச்சல் போட்டதுண்டா? மாறாகப் பக்திப் பரவசம் சொட்டச் சொட்ட இந்தக் கண்ணராவிகளைக் கண்ணில் ஒத்திக் கொள்ளும் கூட்டத்திற்கு, பெருமாள் முருகனை விமர்சிப்பதற்குக் கிஞ்சிற்றும் உரிமையும், தகுதியும் உண்டா? உண்டா?

கோவில் தல புராணங்களில் ஆபாசங்கள், ஆகாயத்தைத் தொட்டு நிற்கின்றனவே - அவற்றை என்ன செய்யப் போவதாக உத்தேசம்? ஆபாசப் புழுக்கள் நெளியாத புராணங்கள் உண்டா?

கோவில் கோபுரங்களிலும், தேர்களிலும் கற் பனைக்கே எட்டாத ஆண் - பெண் உறவு ஆபாசச் சாக்கடைகளை அப்புறப்படுத்த முடிவு செய்து விட்டீர்களா?

சொல்லுங்கள், சொல்லுங்கள் - குருமூர்த்தியார்களே!

மேலும் படிக்க : http://viduthalai.in/2011-07-25-07-58-59/125675-2016-07-10-10-11-26.html

Post a Comment

Powered by Blogger.