Halloween party ideas 2015
.

மமக வை பிளந்தது திமுகதான் என்று, தன் தொண்டர்களிடம் 5 மாத காலமாக பொய்யை விதைத்து வந்த மமக தலைவர்கள் தங்கள் பொய்யை தாங்களே உடைத்து விட்டு, திமுக கூட்டணியில் சரணடைந்திருக்கிறார்கள். சுப்ஹானல்லாஹ்!

அன்சாரி தரப்பினர் 25 கோடி ரூபாய் திமுகவிடம்,குறிப்பாக சபரிசனிடம் வாங்கிவிட்டதாக தமுமுக தொண்டர்களிடம் பரப்பி, அவர்கள் மீது வெறுப்பை உருவாக்கினார்கள். இதன் நோக்கம் அன்சாரி  வைத்த நியாயங்களை திசை திருப்பி,தொண்டர்களை தங்கள் பக்கம் தக்க வைப்பதே!

நியூஸ் 7 தொலைக்கட்சியில் "தலையாட்டி "சமது செய்தியாளரின் இந்த கேள்விக்கு பதிலளிக்க முடியாமல் திணறிவிட்டார்.முன்பு சபரீசனை சொன்னவர்கள்,இப்போது எதோ ஒரு சக்தியனெ சமாளிக்கிறார்கள்.தேவைப்பட்டால் சசிகலா வை சொல்லக்கூட இப்போது தயங்கமாட்டார்கள்.

இன்று அன்சாரி தரப்பு நிம்மதி பெருமூச்சு விட்டிருக்கும்.காரணம் பொய் பழிகளிலிருந்து,அதை பரப்பியவயர்கள் மூலமாகவே அவர்கள் விடுவிக்கப்பட்டிருக்கிறார்கள்.
அல்லாஹ் மிகப்பெரியவன்,மமக தொண்டர்களே இப்போது தங்கள் தலைவர்களின் பொய்யை அறிந்து விட்டார்கள்.

இன்று மமக சந்தி சிரிப்பதற்கு அதன் தலைவர்கள் தான் காரணம்.

இவர்கள் அணிமாற என்ன காரணம்? பழைய செல்வாக்கில் மமக இல்லை என்ற உளவுத்துறை தகவலும், ஜவாஹருல்லாவின் மீது ஏற்பட்ட அவநம்பிக்கையும் தான் அதிமுக மமகவை கழற்றிவிட்டதற்கான காரணமாகும்.

இது தவிர, பல அதிர்ச்சிகரமான உண்மைகள் இப்போது வந்துக் கொண்டேயிருக்கிறது.

மமக நிர்வாகக்குழுவில் ஹைதர் அலி உள்ளிட்ட பெரும்பான்மையான தலைவர்கள், ஜவாஹிருல்லாவுக்கும், அதிமுக கூட்டணிக்கும், எதிராக திரும்பியதன் விளைவுதான், இனியும் ஏதாவது ஒரு முடிவெடுக்க வேண்டும் என்ற நிலைக்கு ஜவாஹிருல்லாவை தள்ளியிருக்கிறது.

கடந்த 1 வாரமாக பல கட்ட முயற்சிகள் செய்தும் திமுக கதவு திறக்கவில்லை.காரணம் சபரிசன் மீது ஜவாஹிருல்லா போட்ட பழி தான்.

அவர்கள் கட்சியின் உள்பிரச்சனைக்கு சம்மந்த மில்லாமல், திமுகவையும், சபரிசனையும் வம்புக்கு இழுத்து, அதிமுக வை திருப்தி படுத்திய ஜவாஹிருல்லா நமக்கு தேவையா? என ஸ்டாலின் கோபமாக கேட்டியிருக்கிறார்.

ஆனாலும் தொடர்ந்து கனிமொழி தரப்பு கலைஞரிடம், தனக்கு ராஜ்யசபாவின் போது நடந்த விஷயங்களை எடுத்துக் கூறி சமாதானப் படுத்தியிருக்கிறார்.

அதன் பிறகு திமுகவிடம் தங்களை பற்றி மமக தரப்பு சொன்ன தகவல்கள் அதிர்ச்சியூட்டக் கூடியவை.
எங்களுக்கு TNTJ அமைப்பு முழுமையாக ஆதரவளிக்கிறது என்று முன்னாள் பிரதமரின் பெயருடைய திருச்சி திமுக பிரமுகரிடம் சொல்லியனுப்பியுள்ளார்கள்.

அடுத்து நாங்கள் வருவதை பேராசிரியர்.காதர் மொய்தீனும், அன்சாரியும் வரவேற்கிறார்கள் என்று பூட்டுக்கு பேர் போன ஊரைச் சேர்ந்த திமுக பிரமுகரிடம் சொல்லியனுப்பியுள்ளார்கள்.

சென்னையை சேர்ந்த திமுக பிரமுகரிடம் 24 கூட்டமைப்பு எங்களிடம்தான் உள்ளது என்று சொல்லியுள்ளார்கள். இதையெல்லாம் கேட்ட கலைஞர் மனமாற்றத்திற்குள்ளானர்.

ஆனால் SDPI கட்சியை நேரில் சந்தித்த கலைஞர், இவர்களை சந்திக்க முன்வரவில்லை.
காரணம் ஸ்டாலின் கோபமாக இருப்பதால், முதலில் அவரைப் போய் பார்க்க சொல்லுங்கள் என்றுள்ளார்.

இதற்கிடையே தங்கள் பெயரை ஜவாஹிருல்லா பயன்படுத்திய செய்தி TNTJ தலைவர்களுக்கு தெரிந்துவிட்டது. P.J. கொந்தளித்துப் போய் எங்கள் பெயரை மமக எப்படி பயன்படுத்தலாம் ? என்று கேட்டுவிட்டு ஸ்டாலினுக்கும் தகவல் அனுப்பியிருக்கிறார்கள்.
அவர் அதிர்ந்திருக்கிறார்.

ஜவாஹிருல்லா சந்திப்பை தள்ளி வைக்க முயன்றப் போது, அது ஊடகங்களில் சர்ச்சையாகி விடும் என யோசித்ததால் வேறு, வழியில்லாமல் சந்தித்திருக்கிறார்.
சந்திப்பு ரகசியமாக ஏற்பாடு செய்த நிலையில்,முன் கூட்டியே ஜவாஹிருல்லா ஊடகங்களிடம் சொல்லிவிட்டு தன் வீட்டுக்கு வந்ததை ஸ்டாலின் விரும்பவில்லை.

மேலும் அதிகபிரசங்கித்தனமாக விளம்பர நோக்கத்தோடு,தேமுதிகவும்,த.மா.க.வும்,இக்கூட்டணிக்கு வரவேண்டும் என மீடியாக்களிடம் ஜவாஹிருல்லா கூறியது ஸ்டாலினை கோபப்படுத்திவிட்டது.
அன்றைய தினமே ஊடகங்களிடம் தன் கோபத்தை
வெளிப்படுத்திய ஸ்டாலின்,அது ஜவாஹிருல்லாவின் தனிப்பட்ட கருத்து என மூக்கை உடைத்திருக்கிறார்.

இது மமக தலைவர்களிடம் மட்டுமல்ல, தொண்டர்களிடமும் சலசலப்பை ஏற்படுத்திவிட்டது.ஜவாஹிருல்லா அதிக பிரசங்கித்தனமாக பேசிவிட்டதாக கருதுகிறார்கள்.
திமுக கூட்டணிக்குள் வர ஜவாஹிருல்லாஹ் மேற்கொண்ட தந்திரங்கள்  கலைஞர்க்கு தெரிய வந்ததும் சங்கடத்திற்கு உள்ளனார்.அந்த கோபத்தில் தன்னுடைய நாய் குட்டிக்கு பிஸ்கட் போடும் படத்தை தனது முகநூலில் வெளியிட்டு தனது மன ஓட்டத்தை பளிச் என வெளிபடுத்திவிட்டார்.

இதற்கிடையே திமுக கூட்டணிக்குள் ஜவாஹிருல்லா பொய்களை சொல்லி நுழைந்ததை அறிந்த திமுக தலைமை முஸ்லீம் லீக் தலைவரிடமும், மஜக பொதுச்செயலாளர் M.தமிமூன் அன்சாரியிடமும் சமாதானமாக பேசியிருக்கிறது.நேற்று மாலை தமிமூன் அன்சாரியை தொடர்பு கொண்டு ஸ்டாலின் பேசியிருக்கிறார்.அது போல் E.V.K.S.இளங்கோவனும் பேசியிருக்கிறார்.

ஆக, அதிமுகவிடமிருந்து துரத்தப்பட்டு, திமுக அணியில் TNTJ பெயரையும், கூட்டமைப்பு பெயரையும் பயன்படுத்தி ஒரு துண்டு போட்டிருக்கிறார் அரசியல் புரட்சியாளர் ஜவாஹிருல்லா !
இது கூட்டணிக்குள் குழப்பத்தை ஏற்படுத்துவிட்டது.திமுகவினரும் ஜவாஹிருல்லவை விரும்பவில்லை.

ஒப்பீட்டளவில் இப்போது டெஹ்லான் பாக்கவி அறிவாலயத்தில் உயர்ந்து நிற்கிறார்.

அதற்கு ஒரு ஆதாரம் இன்று (20.03.2016) வெளியான முரசொலியில் இரண்டாம் பக்கத்தில் கலைஞருடன் SDPI சந்திப்பு படத்துடன் வெளியானது.5ஆம் பக்கத்தில் மமக சந்திப்பு செய்தி புகைப்படம் இல்லாமல் வெளியாகியிருக்கிறது.

                                                        {சிறப்பு புலனாய்வு குழு}

Post a Comment

Powered by Blogger.