Halloween party ideas 2015
.

கருப்புப் பணத்தை காட்டுவதற்கு வாய்ப்பு அளிக்கும் வகையில் அதன் மீது 45% வரி விதிக்கப்படும் என நிதியமைச்சர் அறிவித்திருப்பது செயல்படுத்த முடியாத திட்டமாகும். சட்டத்திற்குப் புறம்பான வகையில் கருப்புப் பணம் வைத்திருப்பவர்களிடமிருந்து அவற்றை முழுவதுமாக பறிமுதல் செய்ய வேண்டுமே தவிர, சலுகை காட்டுவது மறைமுகமாக அதை ஊக்கப்படுத்துவதாகும்.
இயற்கை வேளாண்மையை ஊக்கப்படுத்தும் வகையில் மூன்றாண்டுகளில் 5 இலட்சம் ஏக்கர் நிலம் இயற்கை வேளாண்மையின் கீழ் கொண்டு வரப்படும் என அறிவித்திருப்பது மிகக் குறைந்த பரப்பளவாகும். இந்த நிலப்பரப்பளவின் எண்ணிக்கையை அதிகரிக்கவேண்டும். குறிப்பிட்ட கால வரையரைக்குள் நிலங்கள் யாவும் இயற்கை வேளாண்மை முறையையே கடைப்பிடிக்க வழிவகுக்கப்பட வேண்டும். 
உலகம் முழுவதும் அணுமின் நிலையங்களை மூடி வரும்போது அதற்கு ரூ.300 கோடி ஒதுக்கியிருப்பதை கைவிட வேண்டும்.
நடுத்தர மக்களுக்கு வருமான வரி விதிப்பில் எவ்விதச் சலுகையும் காட்டப்படாதது கண்டிக்கத்தக்கது. புகையிலைப் பொருட்கள் மீது விதிக்கப்பட்டிருக்கிற உற்பத்தி வரி உயர்த்தப்பட்டிருப்பதைப் போல மதுபானங்கள் மீதான உற்பத்தி வரியும் அதிகரிக்கப்பட வேண்டும். பெட்ரோல், டீசல் மீதான சுங்கத் தீர்வை அடியோடு கைவிடப் படவேண்டும்.

ஊடகங்கள் இந்த அறிக்கையை வெளியிடும்படி வேண்டுகிறேன்.

-ஆவல்.கணேசன்-
செய்தித்துறைப்
பொதுச்செலாளர்
தமிழர் தேசிய முன்னணி

Post a Comment

Powered by Blogger.