Halloween party ideas 2015
.

கடந்த 2010-ம் ஆண்டில் திருப்பூர் மாவட்டம், ஊத்துக்குளி அருகே தண்டவாளத்தில்  பாறாங்கற்களை வைத்து தொடர்வண்டிகளை கவிழ்க்க சதி நடந்ததாக பத்திரிகைகளில் அடிக்கடி செய்திகள் வந்த வண்ணம் இருந்தன. 

இதற்கு காரணமான குற்றவாளிகளைத் தேடுவற்காக திருப்பூர் மாவட்ட காவல்துறை மற்றும் தமிழக இரயில்வே காவல்துறையின் சிறப்பு புலனாய்வு குழு
அமைக்கப்பட்டது.

மேற்படி சிறப்பு புலனாய்வு குழுவினர் தேடுதல் வேட்டை என்ற பெயரில் ஊத்துக்குளி வட்டார மக்கள் மீது வன்முறையைக் கட்டவிழ்த்து விட்டனர்.
விசாரணை மேல்சாதியினர் பக்கமே செல்லாமல் முழுக்க முழுக்க ஊத்துக்குளி வட்டாரத்தில் வாழ்ந்து வந்த தாழ்த்தப்பட்ட அருந்ததியர் மக்கள் மீதே நடத்தப்பட்டது. விசாரணை என்ற பெயரில் ஆண்கள் அனைவரையும் காவல் நிலையம் அழைத்துச் சென்று சித்தரவதை செய்தது. காலப்போக்கில் காவல்துறையின் விசாரணைக்கு பயந்து ஒடுக்கப்பட்ட சமூகத்தைச் சேர்ந்த
ஆண்கள் இரவுகளில் வீடு திரும்பாத அளவிற்கு சித்தரவதை எல்லை மீறிச்சென்றது.
காவல்துறையின் மேற்படி அடக்குமுறைகள் வெளித்தெரியாத அளவிற்கு
நடந்து வந்த நிலையில் மேற்படி சம்பவங்களில் ஈடுபட்டதாகக் கூறி தோழர்கள்
காந்தி, பரமேசுவரன் ஆகியோரை விசாரணைக்கு அழைத்துச்சென்ற காவல்துறை அவர்கள் மீது 6 பொய் வழக்குகளைப் புனைந்து சிறையில் அடைத்தது. தொடர்ச்சியாக தோழர்கள் கதிரவன், மணி, மாணிக்கம் ஆகியோர் மீதும்
பொய் வழக்கு புனைந்து சிறையில் அடைத்தது.

காவல்துறை யின் மேற்படி அடக்குமுறை களுக்கு எதிராக சனநாயகப்பூர்வமாக
நடைபெற்ற அத்தனைப்போராட்டங்களையும் காவல்துறை கடுமையாக ஒடுக்கியது. தோழர்கள் காந்தி, பரமேசுவரனுக்கு பிணைக் கிடைத்து அவர்கள் வெளியே வரவிருந்த நிலையில் அவர்கள் மீது தேசியப் பாதுகாப்பு சட்டத்தினைப் பாய்ச்சி தடுப்புக் காவலில் சிறையில் அடைத்தது.
நீண்ட நெடிய சனநாயகப் போரட்டங்கள், சட்டப்போராட்டங்கள் வழியாக தேசியப் பாதுகாப்புச் சட்டத்தின் கீழான தடுப்புக்காவல் உடைக்கப்பட்டு தோழர்கள் பிணையில் வெளியே வந்தனர்.

2011ம் ஆண்டிலிருந்து மேற்படி வழக்குகளின் விசாரணை கோயம்புத்தூர், குற்றவியல் நடுவர் நீதிமன்றம் எண் 6-ல் நடைபெற்று வந்த நிலையில் இன்று தோழர்கள் அனைவரும் மேற்படி வழக்குகளில் இருந்து விடுவிக்கப் பட்டுள்ளனர்.

தோழர்கள் மீது போடப்பட்டுள்ள வழக்குகள் அனத்தும் புனையப்பட்டவை என்பதுதான் நாம் ஆரம்பத்திலிருந்து அரசின் மீது வைத்து வந்த குற்றச்சாட்டு.
தற்போது தோழர்கள் விடுதலை செய்யப்பட்டுள்ளதால் தமிழக அரசின் மீதான மேற்படி குற்றச்சாட்டு நிரூபிக்கப்பட்டுள்ளது.

எனவே தமிழக அரசும், திருப்பூர் மாவட்ட காவல்துறையும், தமிழக ரயில்வே காவல்துறையும் தாழ்த்தப்பட்ட அருந்ததியர் மக்களுக்கு இழைத்த அநீதிக்ககாக
மக்களின் காலில் விழுந்து மன்னிப்பு கேட்க வேண்டும்.

Post a Comment

Powered by Blogger.